Dango bê ti Ekole ti Kusala ti aChrétien

Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 27 ti avril 2009. Fade surveillant ti ekole ayeke mû li ni dä teti penze-ngbonga 20. Lo yeke luti ande na ndo ti ambeti so a bâ ni na yenga ti lango 2 ti mars ti si na lango 27 ti avril 2009.

1. Joseph asara ye lani tongana nyen na gbele tara so lo tingbi na ni lâ na lâ? (Gen. 39:7-12) [lv l. 105 par. 18–l. 106 par. 20]

2. Bible atene nyen na ndo ti amatanga ti dungo? (Gen. 40:20-22) [lv l. 147 par. 9–l. 151 par. 11]

3. Tongana nyen Joseph azia na e mbeni nzoni tapande ti pardone azo so asara siokpari na tere ti e? (Gen. 45:4, 5) [wF99 1/1 l. 31 par. 2-3]

4. So Joseph atene, “A lingbi i yô bio ti mbi kâ”, tënë so asara nyen na ndo ti azo ti Israël? (Gen. 50:25) [w07 1/6 l. 30 par. 10]

5. Ye wa alingbi ti dë bê ti e tongana a mû na e mbeni kua so ayeke ngangu? (Ex. 4:10, 13) [w04 15/3 l. 25 par. 4]

6. Lege so Jéhovah asara na ye na mbage ti Pharaon aga na aye wa? Aye so asara nyen na ndo ti e? (Ex. 9:13-16) [w05 15/5 l. 21 par. 8]

7. Exode 14:30, 31 aye ti tene nyen teti ngoi ti e? [w04 15/3 l. 26 par. 5]

8. Tongana ti so e bâ na Exode 16:1-3, akpale wa demango tere alingbi ti ga na ni? [wF93 15/3 l. 21 par. 1-3]

9. Ti lingbi na Mbele ti Ndia so ayeke na Exode 19:5, 6, na lege wa a lingbi ti tene so Israël ayeke lani mbeni “royaume ti asacrificateur” nga “mara ti nzoni-kue”? [wF95 1/7 l. 16 par. 8]

10. Na lege wa commandement bale-oko ni so andu sarango bê ayeke kota ahon andia ti azo? (Ex. 20:17) [w06 15/6 l. 23-24 par. 16]