Dango bê ti Ekole ti Kusala ti aChrétien

Fade a yeke sara lisoro na ndo ti ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 23 ti février 2009. Fade surveillant ti ekole ayeke mû li ni dä teti penze-ngbonga 20. Lo yeke luti ande na ndo ti ambeti so a bâ ni na yenga ti lango 5 ti janvier ti si na lango 23 ti février 2009.

1. Tongana nyen Nzapa alingbi lani ti sara si lumière aza na kozo lango ni tongana lo leke lâ, nze, na atongoro gi na osio lango ni? (Gen. 1:3, 16) [w04 1/1 l. 28 par. 5]

2. So Jéhovah atene pëpe na Noé ti sara si ye kue aga na gbe gere ti lo tongana ti so lo tene lani na Adam na ngoi so Adam ade mbilimbili-kue aye ti tene nyen? (Gen. 9:1) [it-1 l. 788 par. 6]

3. Lawa si mbele so Nzapa ate na Abraham ato nda ti sara kusala, nga teti ngoi oke? (Gen. 12:1-4) [w04 15/1 l. 26 par. 4; w01 15/8 l. 17 par. 13]

4. Nyen la afa so ye so Nimrod na azo so amû peko ti lo aleke ti tene ‘ala yä iri ti ala mveni kota’ atï na ngu? (Gen. 11:4) [wF98 15/3 l. 25]

5. Teti so na 2 Pierre 2:7 a iri Lot “zo ti mbilimbili,” ngbanga ti nyen lo hunda ti mû amolenge ti lo ti wali na gbâ ti azo ti kirikiri so? (Gen. 19:8) [w05 1/2 l. 26 par. 15-16; w04 15/1 l. 27 par. 3]

6. Teti a lingbi akoli so akpe mbeto ti Nzapa abata sewa ti ala, a sara tongana nyen si Abraham atomba Agar na Ismaël ti gue na yando? (Gen. 21:10-21; 1 Tim. 5:8) [wF88 15/2 l. 31]

7. Ye wa e lingbi ti manda na ndo ti ngangu so Eliézer asara ti sara ye tongana ti so Jéhovah aye na warango mbeni wali ndali ti Isaac? (Gen. 24:14, 15, 17-19, 26, 27) [wF97 1/1 l. 31 par. 2]

8. Nda ti bango li ti Jacob so na yâ ni lo bâ a-ange ‘ayeke ma na azu na ndo ti échelle’ ayeke nyen? (Gen. 28:10-13) [w03 15/10 l. 29 par. 1; it-1 l. 683]

9. Ngbanga ti nyen Rachel aye lani mingi ti wara amandragore ti molenge ti Léa? (Gen. 30:14, 15) [w04 15/1 l. 28 par. 7]

10. Tongana nyen tapande ti Dina afa kpale ti dutingo nduru mingi na ye ti sioni? (Gen. 34:1, 2, 19) [w04 15/10 l. 21 par. 6; l. 22 par. 5]