Mo yeke sara kusala na atënë ni kue nzoni?
1 “Mbi lingbi pëpe ti ku ti sara kusala na ni na yâ ti yaka!” A yeke tënë so mbeni ita-wali asû na mbeti na peko ti so lo diko Tour ti Ba Ndo ti lango 1 ti janvier 2008. Mo gbu li na ndo ti ambeni article so ayeke sigigi ngoi na ngoi na yâ ti Tour ti Ba Ndo ti fango na tënë awe? Mo wara lege ti sara kusala na ni nzoni na fango tënë?
2 “Ce que nous apprenons de Jésus”: Peut être mo bâ so article so ayeke nzoni mingi ti to nda ti manda Bible na azo. Tongana ade mo sara ni pëpe, tara ti diko li ti tënë ni na zo ni, na pekoni fa na lo ye so Jésus atene na ndo ni tongana ti so a sara tënë ni na kozo paragraphe. Tongana mo bâ so tënë ni anzere na zo ni, tara ti gue na lisoro ni na sarango kusala na akete li ti tënë so ahunda ambeni tënë so apusu zo ti gbu li. Tisa zo ni ti fa bibe ti lo na ndo ti hundango tënë ni. Sara tënë kete na ndo ti afoto na gue na paragraphe ti peko. Na kozo gango ti mo, mo lingbi ti sara tënë na ndo ti kozo ndambo ti article ni na mo hunzi tanga ni na gango ti mo ti peko. Leke tere ti mo ti gue na mandango ye ni na yâ ti buku Bible afa.
3 “Clés du bonheur familial”: A sara article so, so ayeke sigigi lakue fani oko na yâ ti nze ota ti mû maboko na akoli, awali nga ababâ na amama ti bâ tongana nyen ti sara kusala na akpengba-ndia ti Bible tongana ala wara akpale so agi ti buba siriri ti sewa. Mo lingbi nga ti sara kusala na a-article so ti mû maboko na azo so ayeke aTémoin ti Jéhovah pëpe ti bâ ndara so ayeke na yâ ti Bible.—2 Tim. 3:16, 17.
4 Atënë so andu amaseka: Article “Pour nos jeunes lecteurs” ayeke mû lege na amaseka so adiko ni ti gbu li na ndo ti mbeni mbaï ti Bible na ti hasa yâ ni. Mo lingbi ti mû ni ti mû maboko na amaseka so mo tingbi ala na fango tënë ti bâ nene ti mandango Tënë ti Nzapa (Ps. 119:9, 105). Na ngoi so mo sara lisoro na ababâ na amama, mo lingbi ti gboto lê ti ala na ndo ti article “Enseignez vos enfants” so ayeke sigigi lakue na ambeni nze. A-article so alingbi ti mû maboko na amolenge ti manda akpengba tënë na ndo ti ambeni zo so Bible asara tënë ti ala. Mo yeke gbu ka alege kue so azi ti diko a-article so na amolenge ti mo?
5 Ambeni tënë nde: Nze oko oko, article “Questions des lecteurs” ayeke kiri tënë na mbeni hunda ti azo so ayeke peut être aTémoin ti Jéhovah pëpe. Mo lingbi ti sara tënë na ndo ti article so na ngoi ti kangbingo apériodique da na da. Article “ Une lettre de . . . ” ayeke tënë ti yanga ti amissionnaire na ambeni ita so afa akpale so ala wara na yâ ti kusala ti ala ti fango tënë. A-article so alingbi ti mû maboko na azo so aye ka ti mä tënë ti e ti bâ so a fa nzo tënë na ndo ti sese kue na ndembe so, ti lingbi na tënë ti fä ti singo ti Christ.— Mat. 24:3, 14.
6 Article “Approchez-vous de Dieu”, so ayeke sigigi nze na nze na so aluti na ndo ti dikongo Bible teti Ekole ti Kusala ti aChretien, alingbi ti pusu azo so aye tënë ti Nzapa ti manda ye mingi na ndo ti Jéhovah. A sara article “Imitez leur foi” so ayeke sigigi fani osio na yâ ti ngu oko ti mû maboko na azo ti hinga ye na ndo ti azo so Bible asara tënë ti ala. Tënë ti aye so giriri ala sara, akpale ti ala na mabe ti ala akiri aga fini ye teti awadikongo mbeti ti ngoi ti e.
7 So nzerengo tere si e yeke na ni ti wara nze na nze Tour ti Ba Ndo oko teti kusala ti fango tënë! Biani, zia e hinga atënë kue ti yâ ni nzoni na e sara kusala na ni kue na fango tënë.