Ye ti tene na ndo ti apériodique

Tour ti Ba Ndo 1 avril

“Lâ oko oko, e yeke mä tënë ti pasi, kobela na kui. Mo pense so aye so kue ayeke hunzi ande mbeni lâ? [Zia zo ni akiri tënë.] Versê so amû beku na azo kutu mingi. [Diko Jean 3:16.] Mbeti so asara tënë na ndo ti ‘lege so kuâ ti Jésus alingbi ti sö mo.’ ”

Réveillez-vous! avril

“Na bango aye kue so e yeke na ni ti sara, azo mingi abâ so a yeke ngangu ti bata mbeni ngoi ti voro na Nzapa. Mo bâ so a yeke mbeni kpale pëpe? [Zia zo ni akiri tënë. Na pekoni diko aEphésien 5:15-17.] Mbeti so afa ye so Bible atene na ndo ti ngoi ga na ngangu ti e so Nzapa aku ti tene e mû ti sara na kusala ti lo.” Fa article so ato nda ni na lembeti 20.

Tour ti Ba Ndo 1 mai

“Azo mingi atene ala mä na bê gi na ye so ala bâ. Mo yeda na tënë ti ala ni? [Zia zo ni akiri tënë. Na pekoni diko aRomain 1:20.] Mbeti so afa akota ye ti Nzapa ota so e lingbi ti bâ ni polele na yâ ti aye so lo sara na afa tongana nyen hingango aye ti lo so alingbi ti sara ngangu na ndo ti e.”

Réveillez-vous! mai

“Azo mingi ayeke na mbeto ti gigi ti ala ti kekereke. Mo pense so aye ayeke ga ande nzoni wala ayeke buba gi bubango? [Zia zo ni akiri tënë. Na pekoni diko Apocalypse 21:3, 4.] Mbeti so afa ngbanga ti nyen a yeke nzoni ti zia bê na Nzapa, so na yâ ti kete ngoi lo yeke leke akota kpale so azo agi lege ti leke ni gbä.”