Atokua

◼ Ambeti ti fa na Janvier: Buku Hingango Ye wala abuku kue so a sara ni kozo na ngu 1991 so kongregation ayeke na ni. Tongana ala yeke na abuku so pëpe, ala bâ na mbeni kongregation so ayeke nduru na ala wala lo yeke na angbene buku so mingi, si ala lingbi ti hunda ambeni ti sara na kusala. Akongregation so ayeke na angbene buku so pëpe alingbi ti fa brochure I lango pëpe! Février: Lingu ti Tâ Ngia ti Sewa wala Y a-t-il un Créateur qui se soucie de vous? Mars: Bible afa nyen biani? E sara kue ti to nda ti manda Bible na azo. Avril na mai: Tour ti Ba Ndo na Réveillez-vous! E sara ngangu ti sara vizite na afini zo so aga na Mémorial nga na kota Diskur so a sara na pekoni me so ala de ti ga pëpe na abungbi ti kongregation. Nda ti vizite so ayeke ti to nda ti manda Bible na azo so ade ti yeda na ni pëpe.

◼ Teti so nze ti mars ayeke na anda-yenga oku, a lingbi ti duti mbeni nzoni ngoi ti mû kusala ti pionnier auxiliaire.

◼ Ti to nda ni na nze ti février, me ti hon lango 2 ti mars pëpe, fade fini diskur ti asurveillant ti circonscription ayeke so: “Zo wa alingbi ti mû maboko na e na ngoi ti ye ti ngangu?”

◼ A lingbi akongregation aleke tere ti sara Mémorial ti ngu so na samedi lango 22 ti nze ti mars na peko ti lindango ti lâ. Atâa so diskur ti Mémorial alingbi ti to nda ni kozo, a lingbi hongo na mapa nga na vin ato nda ni gi na peko ti lindango ti lâ. Ala bâ ngbonga ti lindango ti lâ na ndo so ala yeke dä. Atâa so a yeke nzoni teti kongregation oko oko ti leke Mémorial ti lo mveni, a lingbi ti duti lakue tongaso pëpe. Na ndo so akongregation mingi ayeke sara bungbi na yâ ti Da ti Royaume oko, a yeke peut-être nzoni kongregation oko wala mingi na popo ni asara Matanga ni na mbeni ndo nde na lakui ni so. E wa ala, tongana lege ayeke dä, ti zia kamême penze-ngbonga 40 na popo ti akapa ni ti tene azo kue alingbi ti wara ye ti nzoni mingi na ngoi ni so. A lingbi a bi bê na lutingo ti akutukutu, ando ti ziango akutukutu nga akutukutu so ayeke ga gi ti zia azo wala ti gue na ala. A lingbi bungbi ti a-ancien amû desizion na ndo ti aye so ayeke nzoni mingi teti kongregation.

◼ A lingbi asecrétaire ti akongregation abâ wala ala yeke na mbeti Lettre de nomination de pionnier (S-202) teti apionnier permanent kue so kongregation ayeke na ni. Tongana ala yeke na lettre ni pëpe, a yeke nzoni ala sû mbeti ndali ni na filiale.

◼ Ti to nda ni na yenga ti lango 4 ti août 2008, fade akongregation ti Français ayeke manda na bungbi ti Mandango Buku ti Kongregation buku Vivez en gardant à l’esprit le jour de Jéhovah. Ti akongregation ti Sango, a yeke fa ande na ala tënë na ndo ni.