Dango bê ti Ekole ti Kusala ti aChrétien
Fade a yeke sala lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 31 ti octobre ngu 2005. Fade surveillant ti ekole ayeke mû li ni dä teti penze-ngbonga 30. A yeke luti ande na ndo ti ambeti so a bâ ni na yenga ti lango 5 ti septembre ti si na lango 31 ti octobre 2005. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.—Bâ Ekole ti Kusala l. 36-37.]
KODE TI SALANGO TËNË
1. Tongana nyen e lingbi ti hinga biani so aye so e yeke fa na yâ ti Mbeti ti Nzapa na azo andu bê ti ala? (Mat. 13:19). [be l. 258 par. 1-2, encadré]
2. Nyen la alingbi ti mû maboko na e ti sigigi na ye so ayeke na yâ bê ti mbeni zo? Me a lingbi e bi bê ti e na nyen? [be l. 259 par. 1-2]
3. Na ngoi so e yeke fa ye, ngbanga ti nyen a yeke kota ye ti tene e gboto lê ti azo na ndo apendere salango ye ti Jéhovah? [be l. 260 par. 1]
4. Tongana nyen e lingbi ti mû maboko na awamandango Bible ti bâ na yâ ti aye wa a lingbi ala maï dä? [be l. 260 par. 4–l. 261 par. 1]
5. Nyen la e lingbi ti sala ti mû maboko na awamandango Bible wala na azo so ayeke mä e ti bâ mbilimbili ye so ayeke pusu ala ti sala aye? [be l. 262 par. 2-3]
DEVOIR 1
6. Ti ‘gi Jéhovah’ na bê kue aye ti tënë nyen? Nga tongana nyen si e yeke fa so e yeke gi lo? (aHéb. 11:6). [w03 15/8 l. 25 par. 2; l. 26 par. 1-2; l. 27 par. 1]
7. “Tapande ti nzo tënë” ayeke nyen? Na tongana nyen si a-ancien alingbi ti fa so ala yeke sala ye alingbi na ni? (2 Tim. 1:13, 14). [w03 1/1 l. 29 par. 3–l. 30 par. 1]
8. Ambeni ye wa a mû lege ti hinga so Bible ayeke mbeni buku so ayeke tene tâ tënë nga alondo na Nzapa? [si l. 299 par. 5-6]
9. Mbeni koli, so iri ti lo ayeke Muratori, awara ândö mbeni kugbe-mbeti so a sû ni ngu 100 tongaso na peko ti kuâ ti Jésus. Ngbanga ti nyen kugbe-mbeti ni so amû maboko mingi ti fa so mbage ti Mbeti ti Nzapa so a sû ni giriri na yanga ti Grec alondo biani na yanga ti Nzapa? [si l. 302 par. 19]
10. Na yâ ti Bible, nyen la afa so lo Bible ni mveni amû yanga ti tene a kiri peko ti lo na ambeni yanga nde? Nga, nyen la angbele Bible so a kiri pekoni lani kozo awe afa na azo so akiri peko ti Bible na ambeni yanga nde? [si l. 307 par. 9]
DIKONGO BIBLE YENGA OKO OKO
11. Ambeni zo atene so a yeke nzoni ti bata mbeni ye ti tele ti mbeni zo tongana Pierre, Jésus wala ambeni zo tongaso, si a ga ye ti voro ni. Me use mbeti ti aGbia 13:21 ayeda na ni?
12. Ezéchias ate lani mbele na kodoro ti Egypte? (2 aGbia 18:19-21, 25).
13. Abuku ti mbaï ti azo ti Assyrie asala tënë mbilimbili tongaso pëpe na ndo songo benda ti Jéhovah na ndo Sanchérib. Atâa so a sala tënë ni pëpe, atënë wa anzere na e na yâ ti abuku ni so? (2 aGbia 19:35, 36).
14. Babâ ti Salathiel ayeke lani zo wa? (1 Chron. 3:16-18).
15. Na ngoi ti Gbia Saül, tongana nyen azo ti kete mara ti Ruben, ti Gad nga na ndambo ti kete mara ti Manassé azia mbeni pendere tapande na awakua ti Jéhovah kue laso? (1 Chron. 5:18-22).