Dango bê ti Ekole ti Kusala ti Achrétien

Fade a yeke sala lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 25 ti avril 2005. Fade surveillant ti ekole ayeke mû li ni dä teti penze-ngbonga 30. A yeke luti na ndo ambeti so a bâ ni na yenga ti lango 7 ti mars ti si na ti lango 25 ti avril 2005. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.​—Bâ Ekole ti Kusala, l. 36-37.]

KODE TI SALANGO TËNË

1. Na ngoi so e yeke leke mbeni devoir, na lege wa e yeke sala kusala nzoni na agbakuru so a mû na e, na ngbanga ti nyen a yeke kota ye? [be l. 234 par. 1-3, a-encadré]

2. Ambeti so a mû na e ti sala na devoir, a hunda na e ti fa atënë ti yâ ni kue? [be l. 234 par. 4–l. 235 par. 1]

3. Tongana nyen e lingbi ti sala kusala na ahundango tënë ti ga na ambeni zo ti sala lisoro na ngoi ti fango tënë? (Kus. 8:30). [be l. 236 par. 2-5]

4. Tongana nyen e lingbi ti sala kusala na ahundango tënë ti mû maboko na awamandango Bible ti sala kusala na “ngangu ti bibe” ti ala? (aRom. 12:1, NW ). [be l. 238 par. 1]

5. Ngangu wa ahundango tënë so ayeke na aRomain 8:31, 32 nga na Esaïe 14:27 asala na ndo zo? [be l. 239 par. 1-2]

DEVOIR 1

6. Tongana nyen e yeke sala si ‘Christ aga gere’ ni so kusala ti e ti salango adisciple aluti na ndo ni? (1 aCor. 3:11). [be l. 278 par. 1-2]

7. Teti so ngbele ye na ngu 1914 Jéhovah amû komandema ni kue na Molenge ti lo awe, tongaso e ye ti tene nyen tongana e sambela e tene ‘E ye royaume ti Mo aga’? (Mat. 6:9, 10). [be l. 279 par. 4]

8. Ngbanga ti nyen a lingbi aChrétien kue asala nzara ti dikongo mbeti, na tongana nyen si Jésus aduti lani tapande ni? [w03 15/3 l. 10 par. 5; l. 12 par. 2]

9. Tongana nyen tapande ti Josias na ti Jésus ayeke mû maboko na amaseka ti gue na li ni na lege ti yingo? [w03 1/4 l. 8 par. 3-4; l. 10 par. 3]

10. Ngbanga ti nyen ti zia bê ti e kue na Nzapa? (aProv. 3:5, 6). [w03 1/11 l. 4 par. 6–l. 5 par.1]

DIKONGO BIBLE YENGA OKO OKO

11. Teti so mbeni gbia akomande lani na Israël pëpe, ngbanga ti nyen Anne asambela Jéhovah ti “mû ngangu na gbia ti Lo”? (1 Sam. 2:10).

12. E lingbi ti manda nyen na ndo azo ti Israël so atï na bira atâa so ala yeke lani na arche ti mbele na popo ti ala? (1 Sam. 4:3, 4, 10).

13. Na 1 Chronique 2:13-15, a tene so David ayeke molenge-koli mbasambala ni ti Jessé. Me, 1 Samuel 16:10, 11 atene ti lo so lo yeke molenge miombe ni ti Jessé. Ngbanga ti nyen?

14. Sioni yingo wa azia kota mbito lani na yâ ti Saül? (1 Sam. 16:14).

15. Tënë so “Samuel” afa ni na lege ti wali ti gingo bendo ti En-dor ayeke tâ tënë? (1 Sam. 28:16-19).