Mbeti ti filiale

Aita wafango tënë ti Royaume:

Na filiale ti Wallkill, kusala ti konongo yâ ti kota da ti amasini ti petengo ambeti ahunzi awe na ayeke sala kua fadeso. Afini masini ayeke use, so oko oko alingbi ti sala apériodique 90 000 na yâ ti ngbonga oko; nga a zia ambeni fini gbakuru na tele ni ti leke abuku 120 so ndo ni akpengba gi na yâ penze-ngbonga oko. Guengo na amasini so na Wallkill amû lege ti kä kota da so ayeke na 360 Furman Street na Brooklyn. Ti ngoi so, aita ayeke sala kua ngangu ti leke yâ ti ada so ayeke na 117 Adams Street ti tene a kiri na yâ ni andokua so ayeke ândö na 360 Furman Street.

Guengo na amasini na Wallkill ahunda lani ti mû aita-koli na aita-wali ndulu na 300 ti Brooklyn ti gue ti sala kua kâ. Na ndo ni, a mû aita ndulu na 100 so ayeke bâ lege ti a-ordinateur teti filiale na Wallkill ti gue na Brooklyn, ndo so kâ fadeso a yeke bâ mingi ti akota kusala kue so andu a-ordinateur.

Ngoi ti Mémorial aduti lani mbeni ngoi ti kusala mingi na yâ territoire ti e ti Bê na Do ti Afrika. Apionnier auxiliaire kue na nze ti avril asi 6 304. Na yâ ngu ti kusala so, a bâ mbeni guengo na li ni ti wungo ti awafango tënë na yâ mingi ti akodoro so kue. Na tapande, Gabon awara awafango tënë 2 394, Gambie 165, Sénégal 989 na Togo 13 016. Awungo so afa tongana nyen kusala ti asurveillant ti aGroupe ti Mandango Buku ayeke kota mingi ti wa azo ti mû mbage na fango tënë nga ti ro arapport nze na nze. Pendere guengo na li so andu nga wungo ti apionnier permanent. Na Cameroun, ala yeke fadeso 1 678, na Bénin ala yeke 692; so ti tene na popo ti awafango tënë 100 ti akodoro so, na Cameroun ala 6 ayeke apionnier permanent, na Bénin ala yeke 9. Ti hunzi na ni, na lege ti arapport so e wara awe, a bâ so azo mingi abungbi teti Matanga ti Dango Bê na kui ti Seigneur. E yeke ku kungo ti fa na i wungo ni kue tongana e wara ande atanga ti arapport so angbâ.

Legeoko na i, teti e to nda ti ngu ti kusala 2005 awe, e yeke “wu na kusala ti Seigneur lakue”.​—1 aCor. 15:58.

Aita ti ala,

Biröo ti filiale