Dango bê ti Ekole ti Kusala ti aChrétien — BIBLIOTHÈQUE NA NDÖ TI INTERNET Watchtower

Dango bê ti Ekole ti Kusala ti aChrétien

Fade a yeke sala lisoro na ndo ahundango tënë so ayeke na gbe ni ge na Ekole ti Kusala ti aChrétien na yenga so ato nda ni na lango 26 ti avril 2004. Fade surveillant ti ekole ayeke mû li ni dä teti apenze-ngbonga 30. A yeke luti na ndo ambeti so a bâ ni na ayenga ti lango 1 ti mars ti si na ti lango 26 ti avril 2004. [Kete tënë: Na ndo so a fa ambeti pëpe na peko ti hundango tënë ni, a lingbi mo mveni mo gi nda ti aye ti wara akiringo tënë ni.—Bâ Ekole ti Kusala, al. 36-37.]

KODE TI SALANGO TËNË

1. Tongana e yeke mû mbeni diskur, ngbanga ti nyen ayeke nzoni mingi ti sala tënë na lege ti mbeni schéma so a sû gi akota kamba ti tënë ni na ndo ni ahon ti diko mbeni schéma so a sû atënë ni kue na ndo ni? [1, be l. 166 par. 3].

2. Na yâ lekengo tele teti kusala ti fango tënë, tongana nyen e lingbi ti leke akota kamba ti tënë ti e na li? [2, be l. 167 par. 2].

3. Na salango kusala na atënë so ayeke na Kusala 13:16-41 nga na 17:2, 3, fa tongana nyen Paul aleke atënë ti lo na kode ti ‘fa biani so Jésus ayeke Christ.’ (Kus. 9:22, Fini Mbuki, 2001) [4, be l. 170 par. 2].

4. Ambeni ye ti nzoni ti mungo diskur na lege ti lekengo gi akota kamba ti tënë ni ayeke so wa? [7, be l. 175 apar. 1-4].

5. Ambeni gbanda ti mungo diskur na lege ti lekengo gi akota kamba ti atënë ni ayeke so wa? Na aye wa alingbi ti mû maboko na e ti kpe agbanda so? [8, be l. 175 par. 5–l. 176 par. 3].

DEVOIR 1

6. Na lege ti tondo so ayeke na Genèse 32:24-32, ye wa Jacob, so ayeke na ngu 97, asala ti wara deba nzoni ti Jéhovah? Na ye so afa nyen na e? [3, w02 1/8 al. 29-31].

7. ‘Ngangu ti bingo bê na lege ni’ ayeke nyen? Na tongana nyen alingbi ti mû maboko na e si e sala ye kirikiri pëpe na e sala pëpe mbeni ye so aga na vundu na e senge senge? (aProv. 1:4) [5, w02 15/8 al. 21-22].

8. Tongana nyen azo so ayeke mû diskur na gbele azo kue alingbi ti sala si fango ye ti ala aluti na ndo Mbeti ti Nzapa? [6, be l. 52 par. 6–l. 53 par. 5].

9. Ti sala si mbeni diskur so a sû gi akota kamba ti tënë ni na mbeti aga mbeni kpengba diskur so afa nda ti aversê ti Bible nzoni, adesizion wa mbeni wamungo diskur alingbi ti mû? [7, be l. 54 apar. 2-4].

10. Ngbanga ti nyen, na yando, Jéhovah amû lani gi manne na azo ti Israël ti te lâ na lâ? Na e lingbi ti manda nyen na lege ti ye so? (Deut. 8:16) [8, w02 1/9 l. 30 apar. 3-4].

DIKONGO BIBLE YENGA OKO OKO

11. Tongana ti so a sigigi polele na Genèse 37:12-17, kamba wa ayeke na popo ti aye so asi na Joseph na aye so asi na Jésus? [1, wF87 1/5 l. 12 par. 12].

12. Tongana ti so a lingbi ti bâ ni na yâ tondo so ayeke na Genèse 42:25-35, na lege wa be-nzoni so Joseph afa lani na gigi ayeke legeoko na ti so Jésus afa? [2, wF87 1/5 l. 18 par. 10; l. 19 par. 17].

13. Na lege wa akobe so bungbi ti ngbâa ni ayeke kangbi laso ayeke legeoko na kangbingo le-kobe ni na ngoi ti Joseph? (Gen. 47:21-25).

14. Tongana lo tene: “Fade mbi yeke ga ye so fade mbi yeke ga”, ye wa Jéhovah ayeke fa lani na ndo iri ti lo? (Ex. 3:14, 15, NW ).

15. Akpale use wa so ague oko na demango tele a gboto lê na ndo ni na Exode 16:2, 3? [8, wF93 15/3 al. 20-21].