Ye ti tene na ndo apériodique

Tour ti Ba Ndo 15 mai

“Mo pensé so mbeni zo alingbi ti hinga Nzapa? [Zia zo ni akiri tënë]. Fade mo yeda so a yeke biani ngangu ti mä na bê na mbeni zo so e hinga ye mingi pëpe na ndo lo. Biani, Bible awa e ti gi Nzapa [Diko Kusala 17:27]. A-article so ayeke fa na e tongana nyen e lingbi ti manda ti hinga Nzapa nzoni ahon.”

Réveillez-vous! 22 mai

“Amokonzi ti sese atara na alege mingi ti kaï akpale ti e. Mbeni fini kode so ala wara ayeke so a di iri ni mondialisation (wala, ti tene azo ti dunia kue awara nga aye so amba ti ala ayeke na ni). Na yâ ti périodique so, mo lingbi ti bâ tongana nyen fini kode ti salango ye so andu fini ti mo laso. Mo lingbi nga ti diko ye so Bible atene giriri na ndo dutingo ti sese kue.” Na pekoni diko Matthieu 6:9, 10.

Tour ti Ba Ndo 1 juin

“Akpale so asi ade ti ninga pëpe apusu azo mingi ti hunda ngbanga ti nyen azo so asala ye ti sioni pëpe ayeke wara kuâ ti ngangu na kota lâ. Mo hunda tele ti mo ngbanga ti nyen azo ayeke kui? [Zia zo ni akiri tënë, na pekoni gue na lembeti 7]. Mo ye ti bâ ye so Bible atene na ndo ti atënë so?” Tongana lege ayeke dä, diko mbeni versê na yâ périodique ni, so a fa pëpe tënë ti yâ ni.

Réveillez-vous! 8 juin

“Azo mingi abâ so lege ti vorongo na senda-ye ayeke mä tele pëpe. Ambeni zo abâ ti ala so tongana zo ayeke wasenda-ye, lo lingbi même ti mä na bê na Nzapa pëpe. Mo pensé ti mo nyen na ndo tënë so? [Zia zo ni akiri tënë]. Réveillez-vous! so asala pendere lisoro na ndo tënë so.”