Ye ti Dango Bê ti Ekole ti Kusala ti Théocratie

Dango bê na lege ti kangango buku ti atene so e manda na Ekole ti kusala ti théocratie so ato nda ni na yenga ti lango 3 ti nze ti septembre ti si na lango 24 ti nze ti décembre ngu 2001. I kiri tene na ndo ti mbeni kugbe-mbeti nde na ahundango tene so a lingbi ti kiri tene dä ti lingbi na ngoi ni.

[Kete tene: Na ngoi ti dango bê so, ayeke sala kusala gi na Mbeti ti Nzapa ti kiri tene na ahundango tene ni. Aye so atokua e dä so aga na peko ti ahundango tene ni ayeke ndali ti gingo nda ti aye e mveni. Anuméro ti alembeti nga na aparagraphe asigigi lakue pepe na yâ ti aye so atokua e dä na yâ ti Tour ti Ba Ndo.]

Zia Tâ tene wala Wataka na peko ti atene so ge:

1. Teti so mabe ayeke mbeni oko ti alengo ti yingo ti Nzapa, azo so ayeke na mabe pepe ayeke gi pepe ti wara yingo so, wala ala sala ni na sioni bibe wala ala ke ti tene yingo ni asala kusala na yâ fini ti ala. (Luc 11:13; aGal. 5:22) [rs l. 169 par. 1]

2. Psaume 58:5 (58:4, NW) afa mbilimbili so konga ayeke na “mê” so ayeke mä ndo pepe teti so a kanga biani. [Dikongo Bible Yenga Oko Oko; ba Rbi8 l. 1711-1712.]

3. “Kota bungbi ti aturugu” ti awali so a sala tene ni na Psaume 68:11, NW (68:12, Bible ti Sango) ayeke awali wande so ayeke angba so akoli ti Israël azi ala na gbe ni na ngoi so ala hon na ngangu amara so ayeke awato ti ala. [Dikongo Bible Yenga Oko Oko; ba wF86 15/10 l. 30 par. 6.]

4. Tongana, na lâ ti dungo e wala kozo na ni, a diko awe ngoi nga na lâ so e yeke kui ande na ni, ka a hunda pepe ti kpe ambeni ye so aga na kpale wala ti ba lege ti seni ti e, nga fade aye so azo ayeke sala ti bata na tele alingbi oko pepe ti gbian wungo ti azo so ayeke kui. [rs l. 99 par. 1]

5. Tene ti Paul so atene “zia mbeni zo aba mo tongana molenge pepe” afa so Timothée ayeke la ni gi mbeni pendere wala lo yeke na yâ tongo nda ti angu 20 ti lo. (1 Tim. 4:12) [wF99 15/9 l. 29 apar. 1-3; l. 31 par. 2]

6. Tongana ti so a fa pekoni na Psaume 110:1, tene “Seigneur ti mbi” asala tene ti Jésus. [Dikongo Bible Yenga Oko Oko; ba wF94 1/6 l. 28 par. 5.]

7. Na yâ buku ti Psaume, iri ti Jéhovah asigigi fani 700, na ndulu iri ni “Yah,” fani 43, tongaso tongana a bungbi ni kue, a sala kusala na iri ti Nzapa ndulu na fani 5 na yâ Psaume oko oko. [si l. 105 par. 23]

8. Atä so na yâ Mbeti ti Nzapa a sala tene ti Jésus tongana “mbeni nzapa,” na même tongana “Nzapa ti Ngangu,” a tene na mbeni ndo oko pepe so lo yeke na ngangu ahon kue. (Jean 1:1, NW; Es. 9:5 [9:6, NW]; Gen. 17:1) [rs l. 110 par. 7]

9. Mandango buku ti aProverbe ayeke, biani, mandango ndara ti Salomon mveni. [si l. 107 par. 1]

10. Wango ti Bible, so a wara na aProverbe 21:17, ti ‘ndoye ngia’ pepe afa so a yeke sioni ti sala ngia teti a mu ngoi so a lingbi ti bata teti aye so ayeke kota mingi ahon. [Dikongo Bible Yenga Oko Oko; ba wF97 1/10 l. 27 par. 7.]

I kiri tene na ahundango tene so ge:

11. Tongana Jésus azingo na Marthe kete a ye ti fa nyen na gigi? (Luc 10:40, 41) [wF99 1/9 l. 30 par. 7]

12. Na yâ “gloire” wa Jéhovah akamata wasungo psaume ni? (Ps. 73:24) [Dikongo Bible Yenga Oko Oko; ba wF86 15/12 l. 28 par. 3.]

13. Na Psaume 84:2-4 (84:1-3, NW), wasungo psaume afa na gigi bango ndo wa na ndo amatabisi ti kusala so andu vorongo? [Dikongo Bible Yenga Oko Oko; ba wF97 15/3 l. 8 apar. 5-7.]

14. Tongana nyen Apocalypse 22:17 na aRomain 2:4, 5 afa so Jéhovah ahinga kozoni pepe wala adiko kozoni pepe ye kue so azo asala? [rs l. 102 apar. 1-2]

15. Teti so akozo Chrétien amä na bê na Komandema ti Ngu Saki Oko ti Jésus tongana ti so a sala tene ni na yâ buku ti Apocalypse, aye nyen apusu aChrétien so azia mabe ti ke na nda ni fango ye so ti Nzapa? [wSG99 1/12 l. 6 par. 3–​l. 7 par. 5]

16. Akatikati wa a lingbi aChrétien azia na ndo ‘gingo ye’ teti ambeni zo? (aPhil. 2:4) [wF99 1/12 l. 29 par. 1]

17. Tongana nyen a lingbi ti gbu nda ti Psaume 128:3, so asala tene ti amolenge so ayeke “tongana keke ti olive” so angoro tele ti table ti mbeni zo? [Dikongo Bible Yenga Oko Oko; ba wF00 15/8 l. 30 par. 4.]

18. Tongana e ba so akusala ti Nzapa ayeke ye ti dongo bê, fade a yeke sala nyen na ndo ti e? (Ps. 139:14) [Dikongo Bible Yenga Oko Oko; ba wSG94 1/3 l. 13 par. 18.]

19. Ngbanga ti nyen aProverbe 5:3, 4 atene so ye so aga na peko ti salango pitan “ase tongana absinthe” na “a za tongana épée ti yanga use”? [Dikongo Bible Yenga Oko Oko; ba wF00 15/7 l. 29 par. 2.]

20. Na lege ti aProverbe 14:29, tongana nyen bango nda ti ye alingbi mu maboko na e ti kpe aye so aga na peko ti salango ye na bê so anze wala ti ngonzo so a kanga lege na ni pepe? [Dikongo Bible Yenga Oko Oko; ba wSG97 1/4 l. 10 apar. 7-8.]

Hunzi atene so ge:

21. Atâ prophète asala tene na ․․․․․․․․ na ala fa na gigi ․․․․․․․․. (Deut. 18:18-20; 1 Jean 4:1-3) [rs l. 152 apar. 1, 3]

22. Nda ti aProverbe ayeke use: ti mu ․․․․․․․․ na ․․․․․․․․. (aProv. 1:1-4) [wF99 15/9 l. 13 par. 1]

23. “Ndo ti lingo ti Lo Ti Nduzu Ahon Kue” ayeke ndo ti ․․․․․․․․ teti azo so amu mbage ti Nzapa na ndo tene ti ․․․․․․․․ ; a yeke “tene ti lingo,” wala ye so a hinga pepe, teti azo so ayeke ․․․․․․․․. (Ps. 91:1) [Dikongo Bible Yenga Oko Oko; ba wF86 15/12 l. 29 par. 6.]

24. Kamba ayeke biani na popo ti ‘glisango pepe ye ti nzoni ti Jéhovah kue’ na ․․․․․․․․ na ndo “ye ti nzoni ti Lo,” so ti tene akusala ti nzobe ti lo so a fa pekoni na Psaume 103. (Ps. 103:2) [Dikongo Bible Yenga Oko Oko; ba wF99 15/5 l. 21 apar. 5-6.]

25. Mbeni proverbe wala mato ayeke andulu tene so fani mingi a sala kusala na ․․․․․․․․ nga nda ni ayeke ti sala si ․․․․․․․․. [si l. 107 par. 6]

I sû kamba na gbe ti atâ kiringo tene na yâ atene so ge:

26. Atä so a yeke na lege ni ti tene lo sala ngonzo ngbanga ti ye so Saül asala na lo, David akanga bê ti lo teti so (lo ba so Saül ayeke zo ti mbilimbili-kue pepe na a lingbi awakua ti Nzapa amu pardon; lo glisa oko pepe songo ti lo na Jéhovah; lo hinga so a yeke na lege ni pepe ti fâ ngbanga na li ti azo). (1 Sam. 24:6, 15) [wF99 15/8 l. 8 par. 7]

27. (Ndara; Wango-tene; Mbilimbili) ayeke bungbi ti aye mingi, tongana gbungo nda ti ye, bango nda ti ye, hingango nda ti ye, na ngangu ti gbu li; (bê ti sala nzoye; gbungo nda ti ye; bango yâ ti tene nzoni) ayeke ngangu ti ba yâ ti mbeni tene na ti hinga anzene nzene tene so andu ni na hingango akamba so atingbi ambage ni nde nde na tene ni kue, si zo agbu nda ni nzoni. (aProv. 1:1-4) [wF99 15/9 l. 13 par. 2]

28. Joseph awara ngangu ti ke handa ti wali ti Potiphar ti sala lango sioni teti so (lo hinga Ndia ti Moïse, so afâ ngbanga na ndo pitan; lo kpe mbito ti kota ndo ti koli ti lo; lo ba na nene ni mingi songo ti lo na Jéhovah). (Gen. 39:7-9) [wF99 1/10 l. 29 par. 3]

29. A yeke polele so wasungo Psaume 119 aba na nene ni mingi (tene, wala ndia, ti Nzapa; matabisi ti fini; beku ti wara salut), so ndulu na aversê kue ti psaume so a sala tene ni. [Dikongo Bible Yenga Oko Oko; ba wSG99 1/11 l. 20 par. 5; wF87 15/3 l. 24 par. 2.]

30. Na yâ ti akozo use chapitre so Paul asû na (aRomain; aGalate; aHébreu), e wara atene mingi so a gboto na yâ aPsaume so andu (kota ndo; batême; fango tene na ndo sese) ti Jésus Christ. [si l. 106 par. 28]

Bungbi atene so ge na aversê so alingbi na ni:

A-Prov. 2:19; 14:15; 18:17; aRom. 10:17; aHéb. 13:18

31. Ti wara mabe, a lingbi zo ahinga kozoni ye so Bible atene nga lo gi nda ni nzoni. [rs l. 170 par. 2]

32. A-Chrétien alingbi pepe ti dë buze na lege ti handa wala na bingo bê pepe na ndo aye so a lingbi zo awara. [wF99 15/9 l. 10 par. 2]

33. Kozoni si ala lingbi ti gbian ti ga nzoni, azo so asala pitan alingbi ti si na ndo so lege ti kiri na peko ayeke mbeni pepe, so ti tene kui. [wF99 15/11 l. 27 apar. 4-5]

34. Zo ti ndara so aba nda ti ye nzoni agi ti hinga aye so alingbi ti ga na peko ti akusala ti lo na lo mu pepe peko ti mbeni fini ye gi tongaso ngbanga ti so azo mingi asala ni. [Dikongo Bible Yenga Oko Oko; ba g94 8/12 l. 16 par. 1.]

35. Atä so fango nda ti tene ti mbeni zo alingbi ti kpa mbeni ye so ayeke nzoni nga na lege ni, a yeke lege ti ndara ti mä tene ti azo use ni kue kozoni ti fâ ngbanga na ndo ni. [si l. 111 par. 36]