Atokua

◼ Zia e bata so na ngu 2002 a yeke sala Matanga ti Dango Bê na jeudi lango 28 ti mars, na peko ti lindango ti lâ, me pepe na vendredi lango 22 ti mars, tongana ti so a fa ni na ndangba lembeti ti Calendrier 2001. A fa lango so kozoni ti tene amu lege ti bata ndo wala ti futa da na ndo so akongrégation mingi abungbi na yâ ti Da ti Royaume oko, ye so ahunda na ala ti gi ti wara ambeni ndo nde teti matanga so. A lingbi a-ancien amä tele na amveni ti ndo ni ti tene mbeni kusala nde na yâ ada ni abuba pepe tambela ti Matanga ti Dango Bê ni so a lingbi a duti na yâ siriri nga na lege ni. Teti matanga ni ayeke kota ye mingi, a lingbi bungbi ti a-ancien asoro tongana zo ti mungo diskur ti Mémorial ni mbeni oko na popo ti a-ancien so alingbi nzoni ahon, pepe gi ti fa zo oko na peko ti tele wala ti sala kusala gi na ita-koli oko ngu na ngu. Ye oko, tongana mbeni zo so asa yingo na ndo ti lo ayeke dä, so ayeke ancien, lo lingbi ti mu diskur ni.

◼ A to nda ni na nze ti février wala lango 4 ti mars, asurveillant ti circonscription ayeke mu mbeni fini kota diskur so li ti tene ni ayeke “Komandema ti azo: Ngoi ti ba alengo ni.”

◼ Fade akongrégation ayeke leke ambilimbili ye teti Matanga ti Dango Bê so a yeke sala ni na ngu so na dimanche lango 8 ti avril na peko ti lindango ti lâ. A lingbi hongo na mapa na vin ato nda ni gi na peko ti lindango ti lâ, atä so diskur ti Mémorial alingbi ti to nda ni kozoni. I gi ti hinga nzoni ngbonga ti lindango ti lâ na ndo so e yeke dä. Teti mbeni bungbi nde alingbi pepe ti duti dä na lango ni so, gi ti fango tene, fade a yeke leke si mandango Tour ti Ba Ndo aduti na mbeni lango nde. A lingbi asurveillant ti circonscription aleke nga programme ti ala ti yenga ni alingbi na aye so andu ndo so ala yeke dä. A yeke nzoni akongrégation asala Matanga ti Dango Bê nde nde, atä so lege ayeke dä lakue pepe ti sala tongaso. Na ndo so akongrégation mingi asala bungbi na yâ Da ti Royaume oko, lege ayeke dä peut-être ti tene mbeni oko wala mingi ti ala asala kusala na ambeni da nde na lakui ni so. E wa i, tongana lege ayeke dä, ti zia apenze-ngbonga ndulu na 40 na popo ti abungbi use, tongaso si a mu ngoi ti bala azo so a tisa ala, ti wa ala so asala nzala ti tâ tene ade ti ninga pepe na ti wara nzoni mingi ahon na yâ matanga so. Fade a yeke ba nga akpale so aga na lege ti tambelango ti akutukutu, tongana nyen ti zia ala na yâ parking nga akutukutu so ayeke ga na azo nga ayeke gue na ala. Fade bungbi ti a-ancien ayeke ba aye so alingbi biani na kongrégation ti ala.

◼ Diskur so ayeke nde, so a leke teti ngoi ti Matanga ti Dango Bê, ayeke duti ande na dimanche lango 1 ti avril. Li ti tene ni ayeke duti ande “Zo wa alingbi ti sö kuâ?” Fade a yeke tokua mbeni schéma. Fade akongrégation so ayeke na vizite ti surveillant ti circonscription, kota bungbi ti ala ti circonscription wala kota bungbi ti lango oko na yenga ni so, ayeke mä diskur so ayeke nde na yenga so aga na pekoni. Kongrégation oko ayeke mu diskur so pepe kozo na lango 1 ti avril 2001.