Hundango ndo

◼ A lingbi a zia carte ti territoire na tere ti mur na yâ ti Da ti Royaume?

En, a yeke nzoni a leke carte ti territoire na a zia ni na ndo ti mbeni tableau na tere ti mur na yâ ti Da ti Royaume. Me a zia ni pëpe na ndo so a zia aprogramme ti bungbi dä. A lingbi a fa na lê ti carte ni ando so aterritoire ti congrégation ni aluti dä, tongana nyen la a fâ yâ ni nga na anumero ti territoire ni oko oko kue. Ti acongrégation so ayeke sara bungbi na yâ ti Da ti Royaume oko, a yeke nzoni a fa nga ndo so aterritoire ti ala aluti dä. Sarango tongaso a yeke mû maboko na awafango tënë nga na afini zo ti hinga territoire ti congrégation wa la ala yeke dä. Ti fa na lê ti carte ni ando so agroupe ti fango tënë ayeke bungbi dä, a yeke mû lege na zo oko oko kue ti hinga groupe ti fango tënë so a zia lo dä. A lingbi afini sango la aduti na lê ti carte ni.

Ti zia carte ni na tere ti mur na yâ ti Da ti Royaume ayeke mû lege na aita kue ti hinga so ala lingbi ti wara mbeni territoire ti ala wani. Carte ni ayeke mû maboko na aita so aye ti mû mbeni territoire, ti soro so ayeke nduru na ndo so ala lango dä. Nga, carte ni ayeke mû lege si a buba ngoi senge senge pëpe na ngoi ti abungbi ti fango tënë, ndali ti so aita so ayeke mû li ni alingbi ti fa hio na aita territoire so ala yeke gue ti fa tënë dä.

Carte ti territoire ni afa polele so a leke congrégation ni nzoni awe ti fa tënë ti Royaume na yâ ti aterritoire so a mû na lo.—Luc 9:6.