“E Lingbi ti Zia Pepe ti Sala Tene”
1 Jésus Christ ayeke mu li ti fango tene nzoni. (Mat. 28:20; Marc 13:10) Biani, e yeke ndulu na awafango tene kutu omene so ayeke sala tene ti témoin na yâ ti akodoro na ando 234, me zia e tene pepe so kusala ni ahunzi awe. Tongana Nzapa atene ahunzi pepe, “e lingbi ti zia pepe ti sala tene” ti aye so e manda.—Kus. 4:20, NW.
2 E zia bê ti e na ndo yingo ti Nzapa: Satan ayeke sala ngangu ti lo kue ti tene bê ti e anze. (Apoc. 12:17) Mitele ti e so ayeke mbilimbili-kue pepe ayeke ga nga na akpale na e. Aye mingi so alingbi ti sala si e vi peko ti e na kusala ti kota ahon kue, fango tene. Ye oko, tongana e zia bê ti e na Jéhovah, fade yingo ti lo ayeke mu maboko na e ti hon ndo ti akpale kue.
3 Na ngoi so a yeke sala la ni ngangu mingi na kongrégation ti aChrétien ti kozo siècle, aita asambela Nzapa ti mu maboko na ala ti ngbâ ti sala tene ti lo na mbito pepe. Jéhovah amä sambela ti ala: na lege ti yingo ti lo, lo mu na ala wâ nga na ngangu so alingbi ti ngbâ ti sala kusala. Tongaso, ala zia pepe ti fa nzo tene na mbito pepe.—Kus. 4:29, 31; 5:42.
4 E sala mbito pepe ti atene so awoko e: Bango ndo ti azo wala atene ti sioni so azo adiko na ndo ti e alingbi ti zia mbito na bê ti e. Ye oko, e dabe ti e na ye so Pierre na tanga ti abazengele atene na mbito pepe na gbele Sanhédrin, na lege ti Kusala 5:29-32. Gamaliel, mbeni Maître ti Ndia, ayeda so a lingbi ti kinda kusala ti Nzapa pepe. E yeke sala ni na lege ti ngangu ti e pepe. Nzapa amu maboko na pendere kusala so, na gi lo oko si alingbi ti sala si atambela nzoni.—Zach. 4:6.
5 Zia e hunda yingo ti Jéhovah lâ oko oko si e fa nzo tene na wâ. Zia e tene na tapande ti Jérémie so tokua ti Royaume ayeke tongana wâ so agbi na yâ bio ti e! (Jér. 20:9) E lingbi ti kanga yanga ti e pepe.