Akiringo Tene na Ahundango Tene ti I

◼ A yeke na lege ni ti pika maboko tongana a sala tene ti mbeni zo so akiri na bungbi?

Na yâ nzobe ti lo, Jéhovah Nzapa afa na yâ ti Bible tongana nyen awasiokpari so agbian bê ti ala alingbi ti wara be-nzoni ti lo na ti kiri na yâ kongrégation ti aChrétien. (Ps. 51:14, 19 [51:12, 17, NW]) Tongana ye ni asi, a wa e ti fa ndoye ti e na ala so agbian biani bê ti ala.​—2 aCor. 2:6-8.

Ye oko, atä ngia so e wara tongana mbeni songo wala mbeni zo so e hinga lo akiri na bungbi, a lingbi e sala ye na nengo tele na ngoi so a fa tene ti kiringo ti lo na kongrégation. Na ndo tene so, Tour ti Ba Ndo ti kozo lango ti octobre 1998, l. 29, atene: “Ye oko, a lingbi e dabe e so mingi ti azo na yâ kongrégation ahinga pepe ambilimbili ye so ague ti si na bingo mbeni zo na gigi wala kiringo lo na bungbi. Nga, a lingbi ti tene so sioni ti zo so agbian bê ti lo asala la ni sioni na ambeni zo na yâ kongrégation, peut-être teti ngoi mingi. Ni la, teti aye tongaso, na ngoi so a fa kiringo na bungbi ti mbeni zo, a yeke na lege ni ti bata tene ti yambango zo ti e teti mbeni ngoi so e lingbi ti sala ni na mbeni ndo nde.”

Atä so e yeke na ngia mingi tongana mbeni zo akiri na tâ tene, a yeke duti ande na lege ni pepe ti pika maboko na ngoi so a fa tene ni na kongrégation.