Li ti atënë ni

Tongana e bâ so akpale ti gigi ahon ndö ti e, e lingbi ti sara nyen? Article so asara tënë na ndö ti versê ti ngu 2018 na afa na e ndani so a lingbi e zia lege na Jéhovah ti kpengba e nga tongana nyen la lo yeke sara ni.

Na ngu so, a yeke sara ande Dango bê na kuâ ti Christ na samedi lango 31 ti mars, ngu 2018. Tongana nyen la e lingbi ti leke terê ti e ndali ni fadeso? Tongana nyen la guengo na bungbi so ayeke ga na e aye ti nzoni? Tongana nyen la bungbi so, so a yeke sara ni ngu oko oko, asara si azo ti Nzapa ti dunia kue aduti beoko? E yeke wara akiringo tënë ni na yâ ti article so.

Ye kue so e yeke na ni alondo na Jéhovah. Ye oko, lo mû lege na e ti mû ambeni ye ti e ti kiri na ni na lo, ti sara kua na aye so e yeke na ni ti mû maboko na kua so bungbi ti lo ayeke sara. Tongana e gonda Jéhovah na anzoni ye ti e, e yeke wara nzoni dä tongana nyen? Ngbanga ti nyen? Article so ayeke kiri tënë na ahundango ndo so.

Kozo article ni afa tongana nyen la tâ ngia alondo na Nzapa ti ndoye, me pëpe na ndoye so apusu zo ti pensé gï na lo wani, ndoye so amû ndo na “lâ ti nda ni”. (2 Tim. 3:1). Use article ni afa tongana nyen la azo ti Nzapa ayeke tâ nde mingi na azo mingi laso.