Li ti atënë ni

Azendo oke la mo mû na Jéhovah? Oko, use wala mingi? Mo bâ so mo yeke sara ngangu ti sara ye alingbi na ni? Ka ti zendo ti mungo terê ti mo na Nzapa wala zendo ti mariage so mo mû ayeke tongana nyen? Na yâ ti article so, e yeke manda ande ye na lege ti nzoni tapande ti Jephté na Hannah, so asara ye lani alingbi na zendo so ala mû. Ye so alingbi ti mû maboko na e ti ngbâ ti sara ye alingbi na azendo so e mû na Nzapa.

E yeke pensé ka mingi na ndö ti aye so Jéhovah ayeke mû ande na e na yâ ti Paradis, me na yâ ti article so, e yeke sara tënë mingi na ndö ti aye so lo yeke zi ande ni. Aye wa la Jéhovah ayeke zi ande ni tongaso si siriri nga na ngia aduti na yâ ti dunia? Tongana e hinga kiringo tënë ni, a yeke kpengba mabe ti e nga a yeke sara si e leke na bê ti e ti ngbâ ti gbu ngangu.

Tongana e bâ so a sara ye na e wala na mbeni zo na lege ni pëpe, a lingbi ti duti ngangu na e ti ngbâ ti duti na mabe, ti sara terê ti e kete nga ti ngbâ be-ta-zo. A-article so ayeke sara tënë ti ambaï ota so ayeke na yâ ti Bible so alingbi ti mû maboko na e ti duti na bango ndo ti Jéhovah na ndö ti ye so ayeke mbilimbili.

Atâa so Jéhovah ayeke na bezoin ti mbeni ye oko na mbage ti e ape, lo yeke na ngia tongana lo bâ ngangu so e yeke sara ti mû mbage ti komandema ti lo. E yeke manda ande na aJuge chapitre 4 na 5 so Jéhovah abâ na nene ni bibe so e yeke na ni ti londo na bê ti e wani ti sara na lo nga ti mû peko ti fango lege ti lo.