Li ti atënë ni

Akpale nga agingo bê alingbi ti ne na ndo ti e na asara si maboko ti e awoko. Na yâ ti a-article so e yeke bâ tongana nyen la ngangu maboko ti Jéhovah alingbi ti kpengba e ti gbu ngangu. Nga e yeke bâ nyen la e lingbi ti sara ti “tiri” ti wara tënë nzoni ti Jéhovah.

Na yâ ti dunia kue awakua ti Jéhovah aye ti leke tere ti ala pendere na ala ye si abongo ti ala aduti lakue na lege ni, propre alingbi na kodoro so ala yeke dä. Tongaso si ala sara ye ague oko na amama-ndia ti Bible. Mo lingbi ti sara nyen ti tene fason ti yungo bongo ti mo amû gloire na Nzapa?

Na yâ ti a-article use so e yeke bâ tongana nyen la amaseka alingbi ti sara kua na ngangu ti gbungo li ti ala ti kpengba mabe ti ala nga ti gbu koko ni. E yeke bâ nga nyen la ababâ na amama alingbi ti sara ti mû maboko na amolenge ti ala ti kpengba mabe ti ala nga tongana nyen la ala lingbi ti mû maboko na ala ti manda ye na ndo ti Jéhovah nga na Bible.