Mbeni lango so a lingbi mo manke ni ape

Na bï so aga kozoni si lo mû fini ti lo na kuâ, Jésus atene na adisciple be-ta-zo ti lo ti dabe ti ala na sandaga ti lo. Lo mû mapa so levure ayeke dä ape nga na bengba vin so ayeke na table na devant ti ala si lo zia na sese ye so a iri ni Kobe ti Seigneur na lo mû yanga na ala, lo tene: “Ala ngbâ ti sara ye so ti dabe ti ala na mbi.”​—Luc 22:19.

Ngu oko oko, aTémoin ti Jéhovah na ndo ti dunia mobimba ayeke bungbi ka tere ti sara Matanga ti Dango Bê na kuâ ti Jésus. Na ngu 2014, a yeke sara matanga so na lundi 14 avril na peko ti lindango ti lâ.

E yeke na ngia ti tisa mo na bungbi so, so na yâ ni a yeke fa ambeni tënë encore na ndo ti sandaga ti Jésus. Zo kue alingbi ti gue na matanga ni so senge. A yeke ro nginza na tïtî zo kâ ape. Zo so amû na mo mbeti so alingbi ti fa na mo l’heure nga na ndo so a yeke sara Matanga ti Dango Bê na kuâ ti Jésus ni dä; wala mo lingbi ti wara ni na ndo ti site ti e jw.org. Sû ni na mbeti si mo girisa ni ape, tongaso si mo manke ape.