Jésus “azi siokpari ti dunia so”

Jean Wabatizengo azo atene so Jésus “azi siokpari ti dunia so!” (Jean 1:29). Ye so agboto lê na ndo ti kusala ti Jésus so ayeke ti sö azo so amä yanga.

Me, ngbanga ti nyen a lingbi Jésus akui ti sö awasiokpari?

So Jésus ayeke nduru ti mû fini ti lo na kuâ, ye so aga na nyen?

Azo wa la abâ nzoni na lege ti kuâ ti lo?

Ye so andu mo tongana nyen?

Ngu oko oko, aTémoin ti Jéhovah ayeke bungbi ti sara Matanga ti dango bê na kuâ ti Jésus. Na ngu so, a yeke sara matanga ni na dimanche 17 avril na peko ti lindango ti lâ.

A-Témoin ti Jéhovah ayeke na ngia ti tisa mo ti bungbi oko na ala ti gbu li na ndo ti nda ti kuâ ti Jésus. A yeke sara tënë na ndo ti akiringo tënë so Bible amû na ahundango ndo so ayeke na nduzu ge.

Mo lingbi ti gue na Da ti Royaume so ayeke nduru na mo. Hunda aTémoin ti Jéhovah ti ndo so mo yeke dä ti fa na mo ngbonga ni nga na ndo so a yeke sara ni dä.