Use ye ni
Kpe ti haka tere ti mo na mbeni zo
BIBLE ATENE NYEN? “Zia zo oko oko atara kua ti lo ti bâ wala a yeke tongana nyen, tongaso si lo pika kate gi ndali ti kua ti lo wani, me na hakango tere ti lo na mbeni zo nde pëpe.”—aGalate 6:4.
NGBANGA TI NYEN A YEKE KETE YE PËPE? E yeke ka nduru ti haka tere ti e na ambeni zo. A lingbi ti duti azo so e yeke na ye ahon ala, me mingi ni e yeke haka tere ti e na azo so ayeke na ngangu, mosoro, wala kode ahon e. Atâa a yeke so wa, a yeke nzoni pëpe ti haka tere ti e na amba ti e. E lingbi ti tene ti e e tene a yeke hinga nengo ti zo na lege ti aye so lo yeke na ni wala ye so lo lingbi ti sara. E lingbi nga ti sara bê ti ye nga ti duti na bibe ti mandako.—Zo-ti-fa-tene 4:4.
MO LINGBI TI SARA NYEN? Gi ti bâ tere ti mo tongana ti so Nzapa ayeke bâ na mo. Zia si bango ndo ti Nzapa asara ngangu na ndo ti lege so mo yeke bâ na tere ti mo wani. “L’Éternel [“Jéhovah,”a FD] abâ ye pëpe tongana so zo abâ ye, teti zo abâ lê ti zo, me L’Éternel [“Jéhovah,” FD] abâ bê ti lo.” (1 Samuel 16:7). Jéhovah ayeke bâ nengo ti mo na hakango mo na mbeni zo pëpe. Me lo yeke bâ ni na lege ti ye so lo yeke bâ na yâ ti bê ti mo, apensé ti mo, aye so agbu bê ti mo nga na aye so mo ye ti sara (aHébreu 4:12, 13). Jéhovah ahinga akatikati ti mo na lo ye si mo nga kue mo sara ye alingbi na ni. Tongana mo yeke gi ti bâ nengo ti mo na hakango tere ti mo na ambeni zo, mo yeke ga zo ti baba na lakue mo yeke bâ so ye so mo yeke na ni alingbi mo pëpe. Ni la, sara tere ti mo kete na yeda so mo lingbi pëpe ti sara ye kue gi nzoni nzoni.—aProverbe 11:2.
Ambilimbili ye wa a lingbi mo sara ti ne na lê ti Nzapa? Lo zia yingo ti lo na ndo ti prophète Michée ti sû atënë so: “Mo zo! L’Éternel afa na mo awe ye so ayeke nzoni; Lo hunda ye nyen na tïtî mo?—ti sara mbilimbili, ti ndoye nzobe, na ti tambela na Nzapa ti mo na tâ be-ti-molenge.” (Michée 6:8). Tongana mo sara ye alingbi na wango so, Nzapa ayeke bi bê ti lo na ndo ti mo (1 Pierre 5:6, 7). Mbeni raison ti mû maboko na zo ti zia bê ti lo gi na ndo ti ye so lo yeke na ni ti hon so ayeke dä pëpe!
[Kete tënë na gbe ni]
a A yeke iri ti Nzapa so a wara na yâ ti Bible.
[Foto na lembeti 5]
Jéhovah ayeke bâ nengo ti e na lege ti ye so ayeke na yâ ti bê ti e