22 mars 2008—Mbeni lango so a lingbi zo agirisa ni pëpe
Na bï ti lango so aga kozoni na kuâ ti Jésus, lo mû mapa so a sara na mama ni pëpe nga na kopo ti vin na abazengele ti lo ti kangbi ni na popo ti ala, na lo tene na ala ti te mapa ni na ti nyon vin ni. Lo tene nga na ala, lo tene: “I sara so ti dabe i na Mbi.”—Luc 22:19.
Ti ngu so, a yeke sara ande matanga ti dango bê so na samedi 22 mars, na peko ti lindango ti lâ. Na ndo ti sese kue, e aTémoin ti Jéhovah e yeke bungbi ande na bï ti kota lango so ti sara matanga ti dango bê so tongana ti so Jésus ahunda lani. E yeke na ngia mingi ti tisa mo ti bungbi oko na e ti sara ni. E wa mo ti bâ aTémoin ti Jéhovah ti ndo so mo yeke dä ti fa na mo mbilimbili ngbonga so a yeke sara ande na bungbi so nga na ndo so a yeke sara ni dä.