A tisa mo ti ga ti mä mbeni diskur so ayeke nde
Mo lingbi ti duti nzoni, na mbeto pëpe, na yâ ti sese ti wusuwusu so!
A yeke mû ande diskur so, so aluti na ndo ti Bible, na yâ ti akodoro ahon 230. Na yâ ti mingi ti ando, a yeke mû ande diskur so na dimanche lango 15 ti avril 2007. Nyen la mo yeke manda ande na yâ ti diskur so? Na tapande, mo yeke wara kiringo tënë na ahundango tënë tongana:
Ye wa asara si azo ngbundangbu mingi na ndo sese kue abâ so ala duti nzoni pëpe?
A yeke mbilimbili lawa si azo abâ so ala duti nzoni mbeni pëpe?
Na ndo wa la azo ayeke wara ande tâ nzoni duti, nga ala yeke wara ni tongana nyen?
A yeke mû ande diskur so na ando saki mingi mingi. Sara kue ti duti ande dä na ngoi ni so na ti wara akiringo tënë na ahundango tënë so. Mingi ni, a yeke mû ande diskur so na yâ ti aDa ti Royaume ti aTémoin ti Jéhovah na ando nde nde. A-Témoin ti Jéhovah ti ndo so mo yeke dä ayeke duti ande na ngia ti fa na mo ngbonga so a yeke mû ande na diskur so nga na ndo ni. Diskur so, so aluti na ndo ti Bible, alingbi tâ na ngoi ni nga ayeke mû ngangu na zo. Ni la, na bê ti e kue, e tisa mo ti ga ti mä ni.