Tisango ndo . . .

Nzapa Angbâ Lakue Ti Fa Lege Na Aye So Ayeke Si?

AKPALE tongana ngu-nzapa so apika mingi, yengingo ti sese, akobela so ayeke fâ azo, asarango ye ti likisi so amû ndo kue na popo ti azo ti komande, kusala ti aterroriste, abira nga na afango zo: Lâ oko oko mo yeke bâ mbeni lango ahon senge pëpe sân ti mä tënë ti aye so. Atâa aye so asi na mo awe wala pëpe, a yeke ngangu pëpe na zo ti tene lo hunda tere ti lo ndo wa la sese so ayeke gue dä nga wala aye ni ayeke ga ande nzoni ahon ti kozo.

Ti kiri tënë na ahundango tënë so, na ndo ti sese kue na yâ ti akodoro ahon 200, aTémoin ti Jéhovah ayeke bungbi ande ti mä mbeni diskur so a leke ni nde, so kota li ti tënë ni ayeke: “Nzapa angbâ lakue ti fa lege na aye so ayeke si?” Diskur so ayeke sara ande tënë na ndo ti aye so Nzapa afa na amû zendo ni na yâ ti Tënë ti lo so ayeke tâ tënë, Bible, na akota hundango tënë tongana:

Nzapa ayeke bi bê ti lo na aye so ayeke si na ndo ti sese?

Bibe ti lo na mbage ti azo ayeke tongana nyen?

Lo yeke bi bê na nzoni duti ti mo nga la?

Na yâ ti mingi ti akodoro, a yeke mû ande diskur ni na dimanche, lango 30 ti avril 2006 na Da ti Royaume ti aTémoin ti Jéhovah. A-Témoin ti Jéhovah so ayeke na yâ ti vaka ti mo ayeke duti ande na ngia ti fa na mo ngbonga ni nga na ndo ni.

E tisa mo na wâ ti ga ti mä diskur so aluti na ndo Bible na so ayeke mû na mo tâ kiringo tënë na hundango tënë so: Nzapa angbâ lakue ti fa lege na aye so ayeke si?