Keke ti Fini Ngu alondo na aRusse wala na aChrétien?

“NA TONGO nda ti ngu 1830 ti ga na 1839, a ngbâ lani ti bâ keke ti Fini Ngu tongana mbeni ‘pendere ye ti azo ti Zamani.’ Ti si na ngu 1840, a yeke akota zo na awamosoro ti Saint Pétersbourg si ayeke zia ka ni ‘lakue’ na yâ da ti ala. . . . Azo so lani mo yeke bâ keke ti Fini Ngu na da ti ala pëpe ayeke gi amokonzi-nzapa na asenge zo. . . .

“Kozo na ngu 1800, azo . . . aye lani tënë ti keke ti Fini Ngu mingi pëpe. Na lege ti ngobo ti aRusse, ala bâ keke ni tongana mbeni ye so andu tënë ti kuâ na ti ‘atoro’. Nga, ngobo ti ziango keke ti Fini Ngu na li ti ada ti kango sämba ague nde na fini bibe so azo awara ndulu na ngu 1850. . . . Me yeke yeke, tongana azo aga ti yeda na ziango keke ti Fini Ngu na yâ da ti ala, ala yeda nga na bango ndo ti azo ti Poto na ndo keke ti Noël so ala bâ ni tongana mbeni ye so ague oko na tënë ti dungo Christ. . . .

“Na Russie, yengo dä na keke ti Fini Ngu tongana ye ti aChrétien aduti lani ngangu kete. Église Orthodoxe akanga lege na ni. Amokonzi-nzapa abâ fini lege so a sala na matanga ni tongana ‘salango ye so ayeke ti ayingo sioni’, ngobo ti salango ye ti apaïen so mbeni kamba ayeke nga na popo ni na dungo Sauveur ti azo pëpe; na ndo ni, a yeke mbeni ngobo ti azo ti Poto.”​—Yapakara Yelena V. Dushechkina, kota wafango ye ti senda-ndara na da senda-gi ti gbata ti Saint Pétersbourg.

[Lingu ti foto na lembeti 32]

Foto: Nikolai Rakhmanov