Mo dabe mo na ni?

Dikongo a-article ti Tour ti Ba Ndo so asigigi ade ti ninga pëpe anzere na mo mingi? Tongaso, bâ wala mo lingbi ti kiri tënë na ahundango tënë so ge:

• A yeke wara achapitre oke na yâ buku ti Michée, a sû ni lawa, na dutingo ti azo ti ngoi ni ayeke lani tongana nyen?

Buku ti Michée ayeke na achapitre mbasambala. A yeke na yâ ti angu 700 kozoni na ngoi ti e si prophète Michée asû buku so, na ngoi so yâ ti azo so Nzapa ate mbele na ala akangbi na amara use: Israël na Juda.​—15/8, lembeti 9.

• Na lege ti Michée 6:8, ye nyen Nzapa ahunda na e?

A hunda na e “ti sala mbilimbili”. Lege so Nzapa ayeke sala na aye ayeke tongana tapande na ndo tënë ti mbilimbili. Tongaso, a lingbi e bata akpengba-ndia ti lo ti salango ye na lege ni nga na ti be-biani. Lo tene na e “ti ndoye nzobe”. A-Chrétien ayeke fa ndoye so ayeke be-biani na mungo ye na ambeni zo so ye atia ala na peko ti aye ti ngangu so asi. “Ti tambela na [Jéhovah] na tâ be-ti-molenge”, a lingbi e hinga akatikati ti e na e hinga so fini ti e ayeke na tîtï lo.​—15/8, alembeti 20-22.

• Ye nyen mbeni Chrétien alingbi ti sala tongana a zi lo na kua?

A yeke na lege ti ndara ti tene zo ni akiri abâ gigi ti lo nzoni. A yeke peut-être nzoni ti zia aye mingi pëpe na yâ fini na sorongo ti gue ti lango na yâ mbeni kete da wala ti lungula ambeni kungba so e bâ nene ti dutingo na ni pëpe. A yeke biani kota ye mingi ti tene zo ni azia ti duti na gingo bê na ndo aye ti lâ oko oko so atia lo, na dutingo na beku so Nzapa alingbi mû na lo ye so atia lo (Matthieu 6:33, 34).​—1/9, alembeti 14-15.

• Ye nyen a yeke nzoni e dabe ti e na ni tongana e yeke mû wala e yeke wara amatabisi na ngoi ti mbeni mariage?

A hunda pëpe ti mû wala ti ku ti tene a mû aye so ngele ni akono mingi. Ye so ayeke na kota ngele mingi ayeke bibe ti zo ti mungo matabisi ni (Luc 21:1-4). A yeke na lege ti nzobe pëpe ti fa iri ti zo so amû mbeni matabisi. Salango tongaso alingbi ti zia kamene na lê ti zo (Matthieu 6:3).​—1/9, lembeti 29.

• Ngbanga ti nyen ti zia ti sambela pëpe?

Ti sambela lakue alingbi ti kpengba songo ti e na Nzapa na a yeke leke e nzoni ti luti na gbele angangu tara. Asambela ti e alingbi ti duti andulu sambela wala ayongoro ni alingbi na aye so e ye ti hunda wala aye so asi na e. Sambela ayeke kpengba mabe ti e na a yeke mû maboko na e ti hon ndo ti akpale.​—15/9, alembeti 15-18.

• Tongana nyen e lingbi ti gbu nda ti 1 aCorinthien 15:29 tongana ti so ambeni Bible akiri pekoni na “batême teti awakinda”?

Bazengele Paul aye ti tene so a yeke batize wala a yeke yôro aChrétien so a sa yingo na ndo ti ala na yâ ti mbeni fini so fade ayeke gue na ala ti duti be-biani juska na kuâ legeoko tongana Christ. Na pekoni, a lingbi ti zingo ala ti duti na fini ti yingo tongana ti so Christ ayeke na ni.​—1/10, lembeti 29.

• Tongana nyen e hinga so ti ga mbeni Chrétien andu ye mingi ahon gi ti kpe asioni ye so a sala tënë ni na 1 aCorinthien 6:9-11?

Bazengele Paul atene lani pëpe so mbeni Chrétien alingbi gi ti kpe aye ti sioni tongana pitan, vorongo yanda, na nyongo sämba ahon ndo ni. Na fango so a lingbi ti hunda na mbeni Chrétien ti gbian ambeni ye na ndo ni, lo kiri lo tene na yâ versê ti pekoni: “A mû lege na mbi ti sala ye kue, me a yeke nzoni mbi sala ye kue pëpe.”​—15/10, alembeti 18-19.

• Ambeni wali wa ti giriri azia ngia na bê ti Nzapa?

A yeke wara na popo ni Siphra na Pua, amatrone so ake ti mä yanga ti Pharaon ti fâ amolenge ti koli kue ti Israël so a yeke dü ala (Exode 1:15-20). Rahab, wali-ndumba ti Canaan, so abata awakala use ti Israël (Josué 2:1-13; 6:22, 23). Na fango na gigi ndara, Abigaïl amû lege ti bata azo na fini na ti kanga lege na David ti wara ngbanga ti mênë na li ti lo (1 Samuel 25:2-35). Ala yeke anzoni tapande teti awali ti ngoi ti e.​—1/11, alembeti 8-11.

• Tongana nyen “aturugu ti yayu asala bira” na Sisera tongana ti so a sala tënë ni na aJuge 5:20?

Ambeni zo abâ tënë so tongana mbeni mungo maboko ti Nzapa. Ambeni atene ti ala so tënë ni andu mungo maboko ti a-ange, wala akota tênë so alondo na nduzu si atï na sese, wala ziango bê kue ti Sisera na ndo atënë ti bango yâ ti atongoro so ayeke wataka. Teti so Bible amû anzene nzene tënë na ndo ni pëpe, e lingbi ti hinga so tënë ni ayeke fä ti ambeni lege so Nzapa amû maboko na aturugu ti Israël.​—15/11, lembeti 30.

• Ngbanga ti nyen azo mingi angbâ ti tene so ala mä na bê na Nzapa atâa so na bango ni, salango pëpe nzara ti aye ti lege ti vorongo amû ndo ti sese kue?

Ambeni zo ayeke gue na église ti gi siriri ti bibe. Ambeni ayeke na beku ti wara fini ti lakue lakue na peko ti kui, wala ti gi nzoni seni, mosoro nga na nzoni maïngo. Na ambeni ndo, azo ayeke gi ti kaï nzara ti ala ti aye ti yingo, so atënë ti capitalisme so, yeke yeke, aga amû place ti communisme si ayeke na gunda ni. Hingango anda ti tënë so alingbi ti mû maboko na mbeni Chrétien ti to nda ti akpengba lisoro.​—1/12, lembeti 3.