Soro fini ti lakue lakue

I AZO mingi so ayeke na fini laso, a si na ala lâ oko pëpe tongaso ti duti na aye mingi mingi ti sorongo ni. Na tapande, fani mingi, abongo so e yü, kobe so e te, nga ndo so e sala kua dä na so e lango dä ayeke aye so a yeke ti e ti soro. Na yâ ambage mingi ti sese, a yeke ti zo oko oko ti soro koli wala wali so lo ye ti mû. Ye oko, Bible asala tënë ti mbeni ye ti sorongo ni, so ahon tanga ti aye kue so a lingbi zo asoro; zo kue alingbi ti soro ye so.

Bible atene: “Zo so angbâ na lege ti mbilimbili, lo si na fini, na zo so ague na lege ti sioni, lo wara kui dä.” (aProverbe 11:19). Nga, Jésus Christ atene: “So ayeke fini ti lakue lakue: ti hinga Mo, Mo so gi Mo oko ayeke tâ Nzapa, na ti hinga Jésus Christ, Lo so Mo to Lo awe.”​—Jean 17:3.

Biani, Wasalango e azia na gbele e ti soro mbeni lege ti salango ye so alingbi ti gue na fini ti lakue lakue! Ye wa a lingbi e sala ti wara fini ti lakue lakue?

Bible atene so “fini ayeke na lege ti mbilimbili”. (aProverbe 12:28). E lingbi ti duti na popo ti azo ti mbilimbili so ayeke tambela na ndo lege ti fini ti lakue lakue. Tongana nyen? Na salango kue si fini ti e ague oko na ye so bê ti Nzapa aye nga na akomandema ti lo (Matthieu 7:13, 14). Tongaso, zia e soro ye tâ na lege ni, na e wara matabisi ti fini ti lakue lakue so alondo na Nzapa.​—aRomain 6:23.