Ye ti Kota Ahon So Asi na yâ Mbaï

A YEKE lani kui ti Jésus Christ. Ngbanga ti nyen a yeke kota mingi tongaso? Teti anda ti tënë mingi.

Dutingo be-ta-zo ti Jésus juska na kui afa polele so zo alingbi ti bata be-biani ti lo na gbele Nzapa.

Kui ti Christ amû lege na ambeni zo ti ga amokonzi so ayeke komande legeoko na lo na yayu. A zi nga lege na azo mingi ahon ti wara fini ti lakue lakue na sese so ayeke ga ande paradis.

Na bï ni kozoni si lo kui, Jésus amû mapa so mama ni ayeke dä pëpe nga bengba vin ti duti afä ti mungo na ndoye tele ti lo ti zo na sadaka. Na lo tene na adisciple ti lo: “I ngbâ ti sala ye so ti dabe i na mbi.” (Luc 22:19, NW) Fade mo yeke dabe ti mo na ye ti kota ahon so?

A-Témoin ti Jéhovah atisa mo na wâ ti bungbi legeoko na ala ti sala Matanga ti Dango Bê na kui ti Jésus. Na ngu so, lango ti Dango Bê ni ayeke tï na jeudi lango 28 ti mars, na peko ti lindango ti lâ. Mo lingbi ti gue na Da ti Royaume so ayeke ndulu na da ti mo. E hunda mo ti bâ aTémoin ti Jéhovah ti vaka ti mo ti fa na mo mbilimbili ngbonga ni nga na ndo ni.