Mbeni Ndo ti Honde Tele Dä Teti Pupu

NA NDUZU kâ na yâ ahoto ti a-alpe ti Poto, mo lingbi ti bâ na maïngo ni mbeni ngonda ti akpengba keke so a hiri ni rhododendron ferrugineux. Fani mingi, a-rhododendron so ayo mingi pëpe ayeke kono na popo ti akete keke so abungbi tele ngangu na ndo oko, tâ gi na sese, ti bata tele na gbele angangu pupu ti ahoto. Pupu ni so ayeke ya na peko ti tele aga na kpale na akete keke ti alpe na kiringo na ngangu ti wâ ti ala na peko, na salango si ndo ni na sese ni ahule, nga na gbotongo agunda ti akete keke ni.

Fani mingi, a-rhododendron ferrugineux ayeke kpe akpale so pupu ayeke ga na ni na lege ti so ala yeke maï na yâ ti adû ti atênë ti hoto so akoro. Atâa so na ando tongaso sese ayeke peut-être mingi pëpe, atele ti atênë ni so a suru kete ayeke bata akeke ni na gbele pupu, na ayeke mû lege na akeke ni ti bata ngu na yâ ti ala. Mingi ni, a yeke bâ a-rhododendron so pëpe na yâ anze mingi ti ngu ni, me na ngoi ti juin ti si na août, ala yeke sala si ahoto so ayeke bata ala aga pendere, na lege ti abengba kongo ti ala so aza pendere.

Prophète Isaïe afa so Nzapa ayeke hiri ande na kusala “amokonzi,” na fade ala oko oko ayeke sala kusala tongana “mbeni ndo ti honde tele dä teti pupu.” (Isaïe 32:1, 2, NW) Na gbe ti fango lege ti Gbia, Christ Jésus, amokonzi na lege ti yingo so, wala asurveillant, ayeke duti ande tongana ambeni tênë so aluti ngangu, so ayeke yengi pëpe na ngoi ti akpale wala aye ti vundu. Fade ala yeke duti ndo ti bata tele so a lingbi zia bê dä na gbele aye ti ngangu, na fade ala yeke mû maboko na ala so ye atia ala ti bata ando ti batango ngu ti ala ti yingo so alondo na yâ Tënë ti Nzapa.

Akota pupu ti salango ngangu, bê so anze, wala kobela alingbi ti ya na ndo mbeni Chrétien na peko ti tele, a sala si mabe ti lo ahule tongana a bata lo pëpe. A-ancien alingbi ti bata lo na dengingo mê nzoni ti mä akpale ti lo, na mungo wango so aluti na ndo Bible, nga na mungo wâ na maboko so alingbi. Legeoko tongana Gbia ti ala so a hiri lo na kusala, Christ Jésus, ala ye ti mû maboko na ala so ‘akangbi kirikiri.’ (Matthieu 9:36, NW) Nga, ala yeke na nzala ti mû maboko na ambeni zo so apupu ti fango ye ti wataka abuba dutingo ti ala. (aEphésien 4:14) Mara ti maboko tongaso, so a mû ni na ngoi so alingbi, alingbi ti duti kota ye mingi teti fini.

Miriam atene: “Mbi lï na yâ ti mbeni ngoi ti fini ti mbi so ayengi mbi ngangu mingi tongana ambeni tâ fon mbi azia bungbi nga babâ ti mbi, na oko ngoi ni so, ahu pono ndali ti mênë so ayeke yuru na yâ mongoli ti lo. Ti tara ti hon ndo ti suingo bê ti mbi, mbi to nda ti sigigi na mbeni koli ti gigi. Ngoi kete na pekoni, tongana mbi bâ tele ti mbi so mbi lingbi mbeni pëpe, mbi tene na a-ancien ti kongregation so mbi mû desizion ti zia tâ tënë, teti mbi hinga biani so Jéhovah alingbi ti ndoye mbi pëpe.

“Na yâ ngoi ti ngangu so, mbeni ancien ti be-nzoni adabe ti mbi na angu so mbi sala kusala na yâ ni tongana pionnier permanent. Lo tene na mbi so lo bâ lani lakue na yekiango ndo mingi be-biani so mbi fa, na lo wa mbi na nzobe ti yeda ti tene a-ancien amû maboko na mbi, ti kiri ti dë bê ti mbi na ndo ndoye ti Jéhovah. Bingo bê ti ndoye so ala fa na ngoi ti ngangu so ayeke lani tongana “mbeni ndo ti honde tele” teti mbi na ngoi so sioni kota pupu ti yingo so ayeke sala ngangu na tele ti mbi. Gi na yâ ti nze oko, mbi zia lege ti koli ti gigi so, nga ngbele ye na ngoi ni so, mbi ngbâ lakue ti tambela na ndo lege ti tâ tënë.”

A-ancien awara futa tongana ala bâ afon ala Chrétien na maïngo ni na lege ti yingo, na ye so kue ngbanga ti maboko so a mû na ala na ngoi so alingbi. Nga, ‘ando ti honde tele so’ amû lege na e ti tara kozoni awe gbâ ti mungo maboko na lege ti yingo so e yeke wara ande na ngoi ti Komandema ti Ngu Saki Oko ti Christ.