“Fadeso, Mbi Hinga Ye so Atambela Nzoni Pepe na yâ Tele ti Mbi!”
SO AYEKE tene ti bê ti mbeni koli na Tokyo tongana lo diko mbaï ti fini so ayeke na yâ ti La Tour de Garde ti lango oko ti nze ti décembre, ngu 2000. Li ti tene ti article ni ayeke: “Vous ne savez pas ce que votre vie sera demain,” (“I Hinga Pepe Ye so Ayeke Si Ande na I Kekereke”) na a mu mbaï ti fini ti mbeni ngbele missionnaire so ahu pono na mbeni kobela so awanganga ahinga ni na iri ti psychose maniadépressive (kota suingo bê so aga na kobela ti li na apusu zo ti sala ye kirikiri).
Koli ti gbata ti Tokyo so atene na yâ mbeni mbeti so lo to na awasalango périodique so: “Afä ti kobela ni so a fa pekoni alingbi tâ na ti mbi mbilimbili. Tongaso, mbi gue na mbeni da-nganga so aba tene ti akobela ti li, na a tene na mbi so mbi yeke na kobela ti suingo bê so. Bê ti wanganga so aba tele ti mbi adö. Lo tene: ‘A yeke ngangu teti azo so ayeke na mara ti kobela so ti bi bê so ala yeke na kobela.’ A mu maboko na mbi ti hinga kobela ni kozoni si a ga kota kpale.”
Azo kutu mingi na ndo sese ayeke wara ye ti nzoni na yâ alege nde nde na dikongo numéro oko oko ti Tour ti Ba Ndo nga na Réveillez-vous! Ala ba so a-article ni ayeke fa atene mingi na zo, na ayeke mu ngia na bê. Fadeso, a yeke sala Tour ti Ba Ndo na ayanga 141, na Réveillez-vous! ayeke sigigi na ayanga 86. Mo kue mo yeke wara nga ande ngia na lege ti dikongo Tour ti Ba Ndo na Réveillez-vous! lakue.