Mbeni Matanga so A Lingbi Mo Manke Pepe

“Matabisi kue ti nzoni na matabisi kue so alingbi kue” alondo na Nzapa, Babâ ti e ti yayu.​—Jacques 1:17.

KOTA matabisi ahon kue so Nzapa amu na azo ti siokpari ayeke ye so aleke ti sö ala na gbe ti siokpari na kui na lege ti Molenge ti lo ngengele oko, Jésus Christ. Kui ti Jésus, Zo ti ton e, asala si zo alingbi ti duti na fini ti lakue lakue na ndo mbeni sese so aga paradis. Na Luc 22:19, a tene na e polele ti bata lango ti kui ti lo.

A-Témoin ti Jéhovah atisa mo na wâ ti bata legeoko na ala komandema ti Jésus. Na ngu so, fade a sala matanga ti kui ti Jésus na peko ti lindango ti lâ na dimanche lango 8 ti nze ti avril ngu 2001, so alingbi na lango 14 ti Nisan tongana a ba calendrier ti Bible so adiko na lege ti nze. Sû na mbeti lango so si mo lingbi ti glisa ni pepe. A-Témoin ti Jéhovah ti vaka ti mo alingbi ti fa na mo mbilimbili ndo nga na ngbonga ti bungbi ni.