Ngbango Be-biani na Jéhovah

ATÄ SO be-biani ayeke mbeni ye ti nzoni so a yeke ngangu ti wara laso, a yeke mbeni lengo so amu lege ti hinga na awakua ti tâ Nzapa, Jéhovah. Zo so ayeke be-biani aluti ngangu na yâ ti atara na lo yengi pepe atä ngoi ayeke hon. Ba tapande ti nzoni Gbia Hizqiya. Bible atene: “Mbeni gbia tongana lo ayeke na popo ti agbia ti Juda pepe, tongaso mbeni gbia ti lingbi na lo ayeke na peko ti lo pepe wala mbeni ti lingbi na lo ayeke kozoni pepe.” Ye nyen asala si Hizqiya ayeke nde biani? Lo “zia bê ti lo na L’Eternel [“Jéhovah,” NW],” atä so awavorongo nzapa ti wataka Molek angoro lo giriri. Biani, Hizqiya ‘azia lege ti Jéhovah oko pepe, me lo ngbâ lakue ti bata komandema kue ti lo.’​—2 aGbia 18:1-6.

Bazengele Paul ayeke nga la ni mbeni zo so aduti be-biani na Jéhovah. Tondo ti kusala ti lo, tongana ti so awara na yâ mbage ti Mbeti ti Nzapa so aChrétien asala na yanga ti Grec, ayeke fä so Paul azia lâ oko pepe ti sala kusala ti Nzapa na âme ti lo kue. Ndulu na nda ti fini ti lo na ndo sese, Paul alingbi la ni ti tene na ndo lo mveni: “Mbi tiri nzo bira awe, mbi si na nda ti lege ni awe, mbi bata mabe lakue.”​—2 Timothée 4:7.

So tâ apendere tapande ti be-biani si e yeke na ni na lege ti Hizqiya na Paul! Zia e mu tapande ti mabe ti ala na dutingo lakue be-biani na Kota Nzapa ti e, Jéhovah.​—aHébreu 13:7.