A Kiri na Abage na Maboko ti Ala

“BA MABOKO ti mbi. Mo ba mbeni ye nde?” Mbeni koli afa maboko ti lo na mbeni wali so ayeke Témoin ti Jéhovah, so na bango ni, aba fade fade so bage ti mariage ayeke dä pepe. Koli ni afa so lo na wali ti lo alingbi ti mä tele mbeni pepe, tongaso ala mu desizion ti suru mbeti ti mariage. Témoin ni atene: “Pepe! Mu buku so na diko ni. Fade a yeke mu maboko na mo na yâ mariage ti mo.” Na pekoni, ita-wali ni amu na lo buku so aluti na ndo Bible, Hingango Ye So Ague na Fini ti Lakue Lakue.a

Ambeni lango na pekoni, koli ni akiri ti ba Témoin ni na bibe so ayeke nzoni. Lo fa na lo maboko ti lo. Ti so, lo yü bage ti mariage ti lo. Lo tene na Témoin ni so lo na wali ti lo adiko buku Hingango Ye na fadeso ala yeke na ngia mingi. Buku ni akiri biani na abage na maboko ti ala.

Wango ti Bible alingbi ti mu maboko na mbeni koli na wali ti fa tâ ndoye na popo ti ala. A yeke tongaso ngbanga ti so lingu ti Bible ayeke gi Wasalango e, so atene: “Mbi, Jéhovah, mbi yeke Nzapa ti mo, Lo so afa ye na mo ti wara ye ti nzoni teti mo mveni, Lo so asala si mo tambela na lege so a lingbi mo tambela dä.”​—Isaïe 48:17, NW.

[Kete Tene na Gbe Ni]