Lege ti wara aye ti nzoni mingi na lege ti mandango Bible
Kozo ni, bâ aye so ayeke na yâ ti mbeti so, na pekoni zia VIDÉO ni.
KOZO MBAGE NI
Ti leke ye ti manda oko oko kue, diko kozo mbage ni. Ahundango tënë (A) nga na aversê so a sû ni vuko vuko (B) agboto lê na ndö ti akota tënë ni. Bâ so a zia “diko” na terê ti ambeni versê.
USE MBAGE NI
Kozo tënë (C) so ayeke na gbe ti li ti tënë Gi ti hinga aye mingi afa aye so mo yeke bâ ande. Akete li ti tënë ni (D) asigi na akota tënë ti ye ti manda ni. Na ngoi so mo na zo so ayeke manda mbeti so na mo ayeke manda ni, diko aversê ni, kiri tënë na ahunda ni nga bâ avidéo ni.
AVIDÉO nga na A-ENREGISTREMENT AUDIO ayeke aidé mo ti mä yâ ti ye so mo yeke manda so nzoni. Ambeni vidéo ni ayeke atâ ye so asi. Ambeni ayeke atâ ye so asi ape, me a fa aye so apeut ti si.
Mû ngoi ti bâ afoto nga na atënë ti terê ni (E), nga gbu li ti bâ tënë so mo yeke tene na ndö ti tënë so Ambeni zo atene (F).
NDANGBA MBAGE NI
Ye ti manda oko oko kue ahunzi na mbage Na nduru tënë nga na Dango bê (G). Zia lango so ye ti manda ni ahunzi na ni. Mbage Gi ti sara ye so (H) afa na mo mbeni ye ti sara ti ngbâ ti manda ye. Mbage Gi nda ti ye (I) afa ambeni ye so mo peut ti diko wala mo peut ti bâ.
Aye so ayeke na yâ ni
|
|
|
|
|
Mo peut ti wara aversê ti Bible tongana nyen?
A bungbi akete buku 66 la si aga Bible. A kangbi yâ ni na ambage use: Mbeti ti Nzapa so a sû ândö na Hébreu-Araméen (“Testament ti giriri”) nga na Mbeti ti Nzapa so aChrétien asû ândö na Grec (“Fini Testament”).
Tongana a fa mbeni versê na yâ ti mbeti so, a yeke fa iri ti mbeti ti Bible ni (A), na pekoni a fa chapitre ni (B), nga na versê wala aversê ni (C).
Na tapande, Jean 17:3 aye ti sara tënë ti mbeti ti Jean, chapitre 17, versê 3.