Kudhezenyari Kunakuphedzani Toera Kukumbuka Pinthu Pidapfundza Imwe

Kazinji kene ndi pyakunentsa kukumbuka pinthu pidapfundza ife. Mbwenye ndi pyakukhonda nentsa kukumbuka pinthu pizinji pidapfundzisa Yezu, thangwi kazinji kene iye akhaphatisira misangani. Ife tinakwanisa kunyerezera misangani yace mbatikumbuka pidapfundzisa iye. Munjira ibodzi ene, imwe munakwanisa kukumbuka pinthu pidapfundza imwe munganyerezera pinthu pyenepi. Mphapo munacita tani pyenepi? Imwe munakwanisa kucita pyenepi mungadhezenyari mu ndzidzi unapfundza imwe.

Anthu anadhezenyari pinthu pipswa pinapfundza iwo, kazinji kene asapikumbuka mwakukhonda nentsa. Kucita pyenepi kusaaphedza toera kubvesesa mafala na ntsonga zakufunika mu ndzidzi unapfundza iwo. Pinthu pinadhezenyari iwo nee ndi pyakubalika kakamwe mbwenye ndi pyakukhonda nentsa. Kudhezenyari kusaphedzambo makamaka anyakukalamba toera kukumbuka pinthu pinapfundza iwo.

Pa ulendo unatowera unafuna imwe kupfundza, munakwanisa kudhezenyari pinthu pinapfundza imwe. Mungacita pyenepi, munakwanisa kukumbuka pinthu pizinji kakamwe.