Towezerani Mwadidi Manyalo a Kristu

Yezu atisiyira citsandzo cadidi toera ticitowezere, makamaka m’midzidzi inathimbana ife na nyatwa peno mitcingo. (1 Ped. 2:21-23) Mu ndzidzi ukhatikanwa Yezu, iye nee akhabwezera pyakuipa pikhacitirwa iye, ngakhale pikhathimbana iye na nyatwa. (Mark. 15:29-32) Ninji cidam’phedza toera kupirira? Iye akhali dzololo toera kucita cifuno ca Yahova. (Jwau 6:38) Pontho iye ndzidzi onsene akhanyerezera ‘kutsandzaya kukhali patsogolo pace.’—Aheb. 12:2, Tradução do Novo Mundo da Bíblia Sagrada.

Kodi anthu angatitsalakana mwakuipa thangwi ya cikhulupiro cathu ife tisacitanji? Akristu andimomwene nkhabe ‘bwezera cakuipa na cakuipa.’ (Arom. 12:14, 17) Tingapirira nyatwa ninga pidacita Kristu, tinakhala akutsandzaya thangwi yakukhala akutawirika kwa Mulungu.—Mat. 5:10-12; 1 Ped. 4:12-14.

ONANI VIDHYU YAKUTI O NOME DE JEOVÁ É O MAIS IMPORTANTE, BULUKA PENEPO TAWIRANI MIBVUNDZO IYI:

• Kodi mulongo Gertrud Pötzingera aphatisira tani mwadidi ndzidzi wace pikhali iye nkaidi?

• Kodi mulongo Gertrud na mamunace athimbana na nyatwa zipi pikhali iwo m’mbuto zikhathabuswa anthu?

• Ninji cidaphedza banja ineyi toera kupirira?