‘Pidagumanya Mulungu . . . ’

Mwambo wa Mose ukhaphemba kuti munthu akhafuna kukhondana na ndzace wa m’banja akhafunika kukhunganya tsamba inapangiza pyenepi. Mwambo unoyu ukhacitisa kuti anthu aleke kukhondana mwakusowa mathangwi adidi. Mbwenye mu ntsiku za Yezu, atsogoleri auphemberi akhacitisa kuti anthu akhondane mwakukhonda nentsa. (nwtsty pidzindikiro pya pfundziro pa Mark. 10:4, 11) Yezu alonga kuti Yahova ndi adatomesa na kukhazikisa masasanyiro a banja. (Mark. 10:2-12) Mamuna na nkazi akhafunika kukhala “manungo mabodzi” kwenda na kwenda. Basi ene Bhibhlya isatawirisa anyakumanga banja kukhondana khala m’bodzi wa iwo ‘acita upombo.’—Mat. 19:9.

Lero, anthu azinji asaona masasanyiro a banja ninga mukhaonera Afarisi, tayu ninga munaonera Yezu. M’banja mungaoneka nyatwa, anthu a dziko asathamangira kukhondana. Mbwenye mabanja Acikristu, asaona pikiro idacita iwo pakumanga banja kukhala yakufunika kakamwe, pontho asaphatisira midida ya Bhibhlya toera kumalisa nyatwa zawo. Mungamala kuona vidhyu yakuti O Amor e o Respeito Unem a Família, tawirani mibvundzo iyi:

• 

  Munaphatisira tani uphungu unagumanika pa Misangani 15:1 m’banja mwanu, pontho thangwi yanji mphyakufunika?

• Munacalira tani nyatwa mungaphatisira uphungu unagumanika pa Misangani 19:11?

• Khala mukuthimbana na nyatwa zizinji m’banja mwanu, m’mbuto mwakunyerezera pyakukhondana, kodi musafunika kudinga mibvundzo ipi?

• Kodi lemba ya Mateo 7:12 inakuphedzani tani toera kukhala mamuna wadidi peno nkazi wadidi?