Citisani Kuti Pfundziro Yanu ya Munthu Paekha Ikhale Yakuphindulisa

THANGWI YANJI MPHYAKUFUNIKA: Pfundziro ya Bhibhlya ya munthu paekha isatiphedza toera “kubvesesa mwadidi ugugumi, ulaphi, cengo na kuzika” kwa undimomwene. (Aef. 3:18) Isatiphedzambo toera kupitiriza kukhala akusowa mulando na akusowa midonthi mu dziko ino yakuipa, mbatipitiriza “kuphatirira na manja mawiri mafala a umaso.” (Afil. 2:15, 16) Pa pfundziro yathu ya Bhibhlya ya munthu paekha tinakwanisa kusankhula mphangwa zinafuna ife kupfundza. Tinacitanji toera tikwanise kuphedzeka mu ndzidzi unaleri ife na kupfundza Bhibhlya?

TINACITA TANI PYENEPI:

• Ikhani pidzindikiro pa mavesi, pontho lembani ntsonga zakufunika m’Bhibhlya yanu ya pfundziro ya munthu paekha, yakudhindwa peno ya mu ntcini wa ndzeru na mu ntokodzi

• Pakuleri Bhibhlya, bvundzikani tenepa: ‘Mbani? Ninji? Lini? Kupi? Thangwi yanji? Ndi munjira ipi?’

• Fufudzani toera mubvesese mwadidi pinthu pidaleri imwe. Phatisirani maferamentu ali na imwe toera kufufudza mphangwa zidaleri imwe peno vesi ya Bhibhlya

• Nyerezerani mwadidi mphangwa zidaleri imwe toera kuona kuti munaziphatisira tani mu umaso wanu

• Phatisirani pinapfundza imwe ntsiku zonsene za umaso wanu.—Luka 6:47, 48

ONANI VIDHYU YAKUTI MANTENHA-SE ‘FIRMEMENTE AGARRADO’—ATRAVÉS DE UM ESTUDO PESSOAL EFICAZ, BULUKA PENEPO TAWIRANI MIBVUNDZO IYI:

• Anthu anango alonganji thangwi ya pfundziro ya munthu paekha?

• Thangwi yanji ndzidzi onsene tisafunika kutoma na phembero mbatidzati kucita pfundziro ya munthu paekha?

• Ninji pinafuna kutiphedza toera kubvesesa mwadidi mphangwa za m’Bhibhlya?

• Ndi pidzindikiro pipi pisafunika ife kuikha m’Bhibhlya yathu ya pfundziro?

• Thangwi yanji tisafunika kunyerezera mwadidi mu ndzidzi unapfundza ife Bhibhlya?

• Tisafunika kucitanji na pinthu pinapfundza ife?