KUKHALA MASO NINGA AKRISTU
Ndinatoma Lini Kutumikira Ninga Mpainiya Wakuphedza?
Masomphenya a Ezekyeli thangwi ya templo asapangiza kuti atumiki a Yahova mbadaperekeka toera kucita basa yace. Kodi m’bodzi na m’bodzi wa ife anacitanji toera kupereka ntsembe zakusimba Yahova?—Aheb. 13:15, 16.
Njira ibodzi yakucita pyenepi ndi kutumikira ninga mpainiya wakuphedza. Miyezi mizinji ya caka ca basa ca 2018 iri na Masabudu na Madimingu maxanu. Pyenepi pinaphedza makamaka ale akuti kazinji kene asamwaza mphangwa basi ene pakumala kwa sumana thangwi ya basa yakudziko. Kusiyapo pyenepi, mwezi wa Março, Abril na wakucedzerwa na muyang’aniri wa cisa, amwazi mphangwa anakwanisa kusankhula kupereka maora 30 peno 50.
Ndiye tani khala makhaliro athu nkhabe kutitawirisa kutumikira ninga mpainiya wakuphedza? Tisafunika kuwangisira toera kuthimizira maluso athu na ndzidzi unaphatisira ife pakumwaza mphangwa. Mwakukhonda tsalakana makhaliro athu, ufuni wathu kwa Yahova usafunika kutikulumiza toera kucita pizinji mu caka ca basa ca 2018.—Oze. 14:2.
Kodi ndinatowezera tani phinga ya mulongo Sabina Hernández?
ONANI VIDYU COM JEOVÁ, EU POSSO FAZER QUASE TUDO, BULUKA PENEPO TAWIRANI MIBVUNDZO IYI:
Ninji cinakulumiza mulongo Sabina toera kucita pizinji m’basa ya Yahova?
Kodi citsandzo ca mulongo Sabina cisakuwangisani tani?
Mu caka ca basa ca 2018, ndi mwezi peno miyezi ipi inafuna imwe kutumikira ninga mpainiya wakuphedza?