Kubwerezera Kwa Xikola Ya Utumiki Wa Mulungu

Mibvundzo inatowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 27 ya Bwinja 2015. Ntsiku inafuna kudingwa ntsonga ibodzi na ibodzi yaikhwa toera kutiphedza pakukhunganyika xikola ya sumana ibodzi na ibodzi.

1. Kodi ufuni wandimomwene ninji na usafunika makamaka m’makhundu api a umaso? (Rute 1:16, 17) [2 ya Mur. w12-T 1/7 tsa. 26 ndima 6]

2. Kodi Rute akwanisa tani kukhala na makhaliro a “nkazi wadidi”? (Rute 3:11) [2 ya Mur. w12-T 1/10 tsa. 23 ndima 1]

3. Tingathimbana na nyatwa, tinatowezera tani citsandzo ca Yana? (1 Sam. 1:16-18) [9 ya Mur. w07-T 15/3 tsa. 16 ndima 4-5]

4. Mukhakula Samweli ‘pamaso pa Yahova,’ ninji cidantsidzikiza ku pinthu pyakuipa pikhacita ana a Eli? (1 Sam. 2:21) [9 ya Mur. w10-T 1/10 tsa. 16 ndima 2-3]

5. Ndi munjira ipi tinakwanisa kuphindula na ntawiro wadidi wa Sauli kwa ‘amuna akusowa ndzeru’ adakhonda umambo wace? (1 Sam. 10:22, 27) [23 ya Mur. w05-T 15/3 tsa. 23 ndima 1]

6. Tinapfundzanji kubulukira m’maonero akuphonyeka a Sauli akuti ntsembe ndi yakufunika kakamwe piringana kubvera Yahova? (1 Sam. 15:22, 23) [30 ya Mur. w07-T 15/6 tsa. 26 ndima 3-4]

7. Thangwi yanji ndi pyakubalangaza kudziwa kuti Yahova ‘asaona muntima’ mwa munthu? (1 Sam. 16:7) [6 ya Bwin. w10-T 1/3 tsa. 23 ndima 7]

8. Mwakubverana na Misangani 1:4, ndi pinthu pipi piri na ife pyakuti Yahova asadikhira kuti tipiphatisire tingathimbana na makhaliro akunentsa? (1 Sam. 21:12, 13) [13 ya Bwin. w05-T 15/3 tsa. 24 ndima 4]

9. Thangwi yanji tinakwanisa kulonga kuti Abigayeli nee akhapandukira utongi wa mamunace mudapasa iye cakudya Dhavidhi na anyankhondo ace? (1 Sam. 25:10, 11, 18, 19) [20 ya Bwin. w09-T 1/7 tsa. 20 ndima 3]

10. Tinapfundzanji kubulukira ku citsandzo ca Abigayeli cakuphemba kulekererwa thangwi ya cinthu cidakhonda cita iye? (1 Sam. 25:24) [20 ya Bwin. w02-T 1/11 tsa. 5 ndima 1, 4]