Pidziwiso
◼ Mabukhu anafuna kugawirwa mu nthanda ya Bingu na Maindza: Kodi Mwandimomwene Biblya Isapfunzisanji? peno ibodzi mwa matratado athu mapswa peno tratado Kudziwa Undimomwene. Thongwe na Madzalo 2015: Mphangwa Zadidi Za Mulungu! peno ibodzi mwa mabruxura awa a matsamba 32: Bverani Mulungu, Bverani Mulungu toera Mukhale Kwenda na Kwenda, Munakwanisa Kukhala Xamwali Wa Mulungu! Murope na Bwinja: Marevista a Ncenjezi na Despertai!
◼ Cikumbuso ca caka 2016 cinadzacitwa n’Citatu, ntsiku 23 ya nthanda ya Murope ya 2016.
◼ Kutomera ntsiku 1 ya nthanda ya Thongwe ya 2015, masasanyiro a mipingo a kuphatisira Sabudu yakutoma ya nthanda zonsene toera kutomesa mapfundziro a Bhibhlya anadzamala. Mbuto mwace, amwazi mphangwa anadzagawira marevista ninga pisacita iwo m’Masabudu anango. Tinakwanisa kutomesa mapfundziro a Bhibhlya ndzidzi onsene nkati mwa nthanda mukuphatisira marevista peno mabukhu anango a pfundziro.
◼ Ndzidzi wa ferya yakumala kwa caka ca mapfundziro a xikola usapasa mwai aphale na atsikana akubatizwa toera kutumikira ninga apainiya akuphedza mu nthanda ibodzi peno zizinji. Tisawangisa aphale na atsikana anewa na anango akuti makhaliro awo asatawirisa kuti acite masasanyiro mwanyapantsi toera apereke maformularyo awo nakweru toera Komiti Yakuyang’anira Basa M’mpingo ikwanise kuphemba marevista na mabukhu anango akukwana. Madzina a onsene adatawirwa toera kutumikira ninga apainiya akuphedza asafunika kudziwiswa m’mpingo.—od-T tsa. 113.
◼ Mwambo wa Mosambiki wa Basa ya Unyankhondo usaphemba kuti ana onsene a Mosambiki aende kalembesa ku Mbuto Yakulembera angakwanirisa pyaka 18 pyakubalwa. Ndzidzi udaikhwa toera kulembesa ndi kutomera ntsiku 1 ya nthanda ya Thongwe mpaka 28 ya nthanda ya Madzalo. Akulu a mpingo asafunika kukumbusa amwazi mphangwa akuti ali cifupi na pyaka 18 pyakubalwa.