“Ndiri Pano Thangwi . . .”

Anaciro nyumba angafungula nsuwo wawo mbationa tiri dzololo, panango iwo anadzudzumika kuti ife ndife ani na thangwi yanji tiri penepo. Kodi mbatidalonganji m’mafala athu akutoma toera iwo akhonde kudzudzumika? Pakumala kumwanyika, amwazi mphangwa anango asalonga mafala “thangwi” toera kufokotoza. Mwacitsandzo, iwo asalonga: “Tiri kucedza na anyakuendekana athu thangwi azinji asadzudzumika na uphanga. Musanyerezera kuti . . .” peno “Ndiri pano thangwi ndisacitisa mapfundziro a Bhibhlya mwakukhonda lipa.” Khala pakutoma mwanaciro nyumba atibvundza kuti thangwi yanji tiri panyumba yace, panango iye anakhala na cifuno ca kubvesera pinafuna kulonga ife.