Kubwerezera Kwa Xikola Ya Utumiki Wa Mulungu
Mibvundzo yakutowerera iyi inadzadingwa pa Xikola Ya Utumiki Wa Mulungu nkati mwa sumana inatoma pa ntsiku 26 ya nthanda ya Malimwe ya 2013. Ntsiku inafuna dingwa ntsonga ibodzi na ibodzi yapangizwa toera kutiphedza pa kukhunganyika xikola ya sumana ibodzi na ibodzi.
1. Ndi ntsonga ipi yakufunika yakuti tinakwanisa kuipfundza kubulukira kwa Mambo Herode mu kufunisisa kwace kupaswa cilemedzo na mbiri kuna anthu? (Mach. 12:21-23) [1 ya Malu. w08-T 15/5 tsa. 32 ndima 7]
2. Kodi aphale na atsikana Acikristu anaphindula tani mu kudinga na kutowezera citsandzo ca Timoti? (Mach. 16:1, 2) [8 ya Malu. w08-T 15/5 tsa. 32 ndima 10]
3. Kodi Akila na Prisila aphedza tani Apolo, pakumala kubva ‘kupfundzisa na cipapo’ kwa Apolo mu Sinagoga ku Efeso? (Mach. 18:24-26) [15 Malu. w10-T 15/6 tsa. 11 ndima 4]
4. Ndi phata ipi ya Malemba iripo toera kuphatisirwa na Mboni za Yahova m’buto za mautongi mu kutsidzikiza basa yawo yakumwaza mphangwa? (Mach. 25:10-12) [22 ya Malu. bt-T tsa. 198 ndima 6]
5. Kodi mpostolo Paulu apitiriza tani kugumana njira toera kupereka umboni ngakhale akhali nkaidi ku Roma, pontho atumiki a Yahova alero asatowezera tani citsandzo cace? (Mach. 28:17, 23, 30, 31) [29 ya Malu. bt-T matsa. 215-217 ndima 19-23]
6. Thangwi yanji Bhibhlya isalonga kuti kupita m’mabonde kwa amuna okha-okha na akazi okha-okha si kwacibaliro tayu, pontho ndi kwakukhonda thema? (Arom. 1:26, 27) [5 ya Mali. g-T 12/1 tsa. 28 ndima 7]
7. Kodi ‘ntsembe idalipa Yezu Kristu’ mu 33 N.W. mbidafudza tani ‘madawo adacitwa’ kale mbizati kulipwa ntsembe ineyi? (Arom. 3:24, 25) [5 ya Mali. w08-T 15/6 tsa. 29 ndima 6]
8. Ndi masasanyiro api aufuni adacita Yahova tingathimbana na makhaliro akunentsa kakamwe, pontho khala nkhabe kudziwa pinafuna ife kucitira phembero? (Arom. 8:26, 27) [12 ya Mali. w08-T 15/6 tsa. 30 ndima 10]
9. Kodi mafala akuti “mutambire alendo” asabvekanji? (Arom. 12:13) [19 ya Mali. w09-T 15/10 matsa. 5-6 ndima 12-13]
10. Kodi ‘tinabvala tani Mbuyathu Yezu Kristu,’ ninga munalonga mpostolo Paulu? (Arom. 13:14) [26 ya Mali. w05-T 1/1 matsa. 11-12 ndima 20-22]