Kodi Ndzidzi Onsene Musaona Kwadru Ya Pidziwiso?

Akulu a mpingo, atumiki akutumikira, na anango akuti ali na miyai yakutumikira, ndzidzi onsene asaenda pa kwadru ya pidziwiso toera kudziwa khala ali na khundu toera kucita. Mbwenye onsene m’mpingo anadzagumana mphangwa zakufunika pa kwadru. Kodi musadziwa ntsiku yanu yakucenesa Nyumba ya Umambo? Kodi Muyang’aniri wa cisa peno ofesi ya filiali yatumiza mphangwa zakufunika m’mpingo wanu? Musadziwa nsolo wa nkhani yapakweca ya sumana ino toera kucemera nyakupfundza Bhibhlya wanu? Kwacitwa masasanyiro anango a nsonkhano wa mpingo peno a nsoka wanu wa basa ya m’munda? Zizinji mwa mphangwa zenezi nee zisadziwiswabve tayu nkati mwa misonkhano, pontho nkhabe kwanisika kuti akulu a mpingo afikise mphangwa zenezi kwa m’mwazi mphangwa m’bodzi na m’bodzi. Natenepa, tisafunika kuona kwadru ya pidziwiso mwakukhonda phonya. Tingaona pidziwiso pa kwadru, tinaphedza toera “pinthu pyonsene pichitwe mwakuthema pontho mwakundendemera.”​—1 Akor. 14:40, Chiverano Chachinchino.