Pyakulonga Pa Kugawira Marevista

Sentinela 1.° de Outubro

“Anthu azinji asabvunzika khala Mulungu asadzudzumika thangwi ya kupswipa ntima peno na kutsukwala kwathu. Kodi musanyerezeranji? [Dikhirani ntawiro. Buluka penepo lerini Masalmo 34:18.] Nsolo unatoma pa tsamba 19 usalonga kuti Mulungu asatiphedza tani kukunda mabvero akuipa ninga kupibva kukhala wakukhonda funika, kutsukwala kakamwe na kupasika mulando mwakupiringana dida.”

Despertai! ya Outubro

“Anthu anango asaona Mulungu kukhala ninga mphambvu basi mbwenye nee asamuona ninga munthu tayu. Anango asanyerezera kuti iye ndi munthu wa mabvero. Ndi api maonero anu? [Dikhirani ntawiro.] Onani mafala awa akukomeresa. [Lerini 1 Pedro 5:6, 7.] Nsolo unatoma pa tsamba 29 usapereka ntawiro wakubuluswa m’Bhibhlya ku mbvunzo wakuti, kodi Mulungu ndi munthu wandimomwene?”

Sentinela 1.° de Novembro

“Tonsene tisafuna kupibva kukhala akutsanzaya. Musanyerezera kuti tisafunika kukhala na kobiri towera kukhala akutsanzaya? [Dikhirani ntawiro.] Nyakulemba Bhibhlya m’bodzi apfunza kuti anakwanisa tani kutsanzaya mu dzidzi ukhakhala iye na pinthu pyakucepa. [Lerini Afilipi 4:11, 12.] Revista ino isapereka pinthu pixanu pinagumanika m’Bhibhlya pinacitisa kukhala wakutsanzaya.”

Despertai! ya Novembro

“Anthu anango akukhonda khulupira Mulungu asathonya pinthu pyakuipa pinacitwa mu dzina ya Mulungu na asanyerezera kuti dziko mbidakhala yadidi pangasoweka uphemberi. Kodi musanyerezeranji? [Dikhirani ntawiro.] Onani thangwi ibodzi inacitisa kuti uphemberi waunthawatawa ubwerese nyatwa. [Lerini 2 Timoti 4:3, 4.] Revista ino isapangiza manyerezero anango akudodomeka a anthu akukhonda khulupira Mulungu.”