Pidziwiso

◼ Mabukhu anafuna kugawirwa mu Nthanda ya Maluwa na ya Malimwe: Bruxura yonsene yakukhala na matsamba 32: Angafa Munthu Anafuna Imwe, Como Ter uma Vida Satisfatória, Kodi Mulungu Asatitsalakanadi? Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Mizimu Ya Akufa​—⁠Ingakwanise Kukuphedzani Peno kukucitani Pyakuipa? Kodi Iyo Iripodi?, Munakwanisa kukhala Xamwali Wa Mulungu!, Njira ya ku Umaso Okhonda Mala​—⁠Kodi Imwe Mwaigumana Kale?, Qual é o Objetivo da Vida? Como Encontrá-lo?, Que Acontece Conosco Quando Morremos?, Um Livro para Todas as Pessoas. Nthanda ya Nyenzi: Kodi Mwandimomwene Biblya Isapfunzisanji? Kuwangisira kwakupambulika kusafunika kucitwa towera kutomesa pfunziro ya Biblya pa ulendo wakutoma. Khala anaciro nyumba ali nayo kale bukhu ineyi, pangizani kuti iwo anaphindula tani nayo mu kupangiza mwacigwagwa macitiro a pfunziro ya Biblya. Nthanda ya Malandalupya: Marevista A Sentinela na Despertai! Anthu angapangiza kufuna, pangizani na dingani katsamba kakuti Gostaria de aprender mais a respeito da Bíblia? na cifuno ca kutomesa pfunziro ya Biblya yapanyumba. Nthanda ya Bingu: Kodi Mwandimomwene Biblya Isapfunzisanji? Wangisirani towera kutomesa mapfunziro a Biblya.

◼ Nakuti nthanda ya Malimwe iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Kutomera nthanda ya Nyenzi, nkhani ipswa yapakweca ya ayang’aniri a cisa inadzakhala na nsolo wakuti: “Ande no caminho da integridade.”

◼ Filiali nkhabe tendeza kuphemba mabukhu kwa kucitwa na m’mwazi mphangwa paekha. Nyakuyang’anira wakutsogolera asafunika kucita masasanyiro towera pacitwe cidziwiso nthanda ibodzi na ibodzi phembo ya mabukhu ya mpingo mbisati kutumizwa ku ofesi ya filiali towera onsene anafuna kuphemba mabukhu awo ene alonge na m’bale anayang’anira mabukhu. Taphata miyendo, kumbukani kuti ndi mabukhu api akuti ndi phembo yakupambulika.

◼ Kulengeswa kwa mabukhu na marevista onsene anagumanika pa mpingo kunacitwa piaka pyonsene kusafunika kucitwe pa 31 ya nthanda ya Malimwe ya 2008, peno ntsiku inango cifupi na ineyi pingakwanisika. Kulengesa kweneku kwalandana na kulengesa kunacitwa nthanda zonsene na muyang’aniri wa mabukhu, na cilengeso consene cisafunika kulembwa pa formularyo yakuti Inventário de Publicações (S-⁠18). Cilengeso ca marevista onsene anagumanika pa mpingo cisafunika kuphembwa kwa ntumiki peno atumiki a marevista. Mulembi wa mpingo unayang’anira mabukhu asafunika kuonera kulengesa kweneku. Iye na nyakuyang’anira wakutsogolera wa mpingo unayang’anira mabukhu anadzakoronza formularyo ineyi. Mpingo ubodzi na ubodzi unayang’anira mabukhu unadzatambira maformularyo mawiri a Inventário de Publicações. Taphata miyendo tumizani formularyo yakutoma ku ofesi ya filiali mbisati kufika ntsiku 6 ya nthanda ya Nyenzi. Koyani kopya ibodzi mu maarkivo mwanu.

◼ Bukhu yakuti Biblya Isapfunzisanji isafunika kuphatisirwa towera kutomesa na kucitisa mapfunziro a Biblya mbuto mwa bruxura yakuti Mulungu Alikuphembanji. Bruxura yakuti Mulungu Alikuphembanji inakwanisa kupitiriza kugawirwa mu utumiki wa m’munda mpaka kumala mudakoyiwa iwo.

◼ Mipingo isafunika kuphemba ntsama yakukwana ya maformularyo pa phembo yawo ya mabukhu inafuna kudza towera kuphatisira mu caka ca basa ca 2009. Maformularyo akutowerera awa nkhabe funika kuphembwa tayu thangwi iwo anadzatumizwa kwa imwe pabodzi na maformularyo anango anatumizwa piaka pyonsene: Relatório de Congregação (S-⁠1), Envelopes de Relatório (rce), Pedido de Publicações (S-⁠14), Formulário de Remessa de Contribuição (S-⁠20), Relatório de Auditoria das Contas da Congregação (S-⁠25), Folha de Contas (S-⁠26), na Relatório Mensal de Contas da Congregação (S-⁠30). Taphata miyendo, maformularyo onsene awa asafunika kuphatisirwa mwakubverana na cifuniro cawo.

◼ Mwakukhonda dembuka, maformularyo mazinji a caka ca basa ca 2009 anadzatumizwa m’maenvelopi makulu ku mpingo ubodzi na ubodzi mu kuphatisira mpingo unatsogolera kuphembwa kwa mabukhu. Nakuti madzina a mipingo inango nkhabe lembwa padzulu pa maenvelopi, mpingo unatsogolera kuti mabukhu aphembwe usafunika kudinga mwacidikhodikho ndandanda unabwera na mabukhu na kuona mwadidi ntsama za maformularyo a mpingo ubodzi na ubodzi na kuzitumiza ku mipingo ineyi.