Kubwerezera Kwa Xikola Ya Utumiki Wa Mulungu
Mabvunzo akutowerera awa anadzadingwa pa Xikola Ya Utumiki Wa Mulungu nkati mwa sumana inatoma pa 31 ya nthanda ya Maindza ya 2007. Muyang’aniri wa xikola anadzatsogolera kubwerezera kweneku kwa mphindi 30 kudabuluswa m’mphangwa zidadingwa mu nkhani za sumana 5 ya nthanda ya Bingu mpaka sumana 31 ya nthanda ya Maindza ya 2007.
LUSO YAKULONGA
1. Kodi ndi ntsonga zipi zinafunika ife kukumbuka towera nkhani yathu ikhale na mamalisiro akuphindulisa? [be tsa. 221 ndima 1-4]
2. Kodi tinakwanisa tani kukhala na cinyindiro cakuti pinalonga ife mu utumiki wa m’munda ndi pyandimomwene? [be tsa. 223 ndima 2-4]
3. Mu nkhani zathu m’misonkhano ya mpingo, kodi tinakwanisa tani kupangiza kuti tisadzindikira basa ya mpingo ninga “ndzati na uwangi wa udidi [peno undimomwene]”? (1 Tim. 3:15) [be tsa. 224 ndima 1-4]
4. Thangwi yanji kudinga ulinganiri wa mphangwa zathu ndi kwakufunika, na tinakwanisa tani kucita pyenepi? [be tsa. 225 ndima 1-2]
5. Munapfunzisa ife, kodi tinakwanisa tani kucitisa kuti anango abve mwakukhonda nensa mphangwa zathu? [be tsa. 226 ndima 3–tsa. 227 ndima 1]
NKHANI N.° 1
6. Kodi ndi ninji pinapangiza kuti pidalemba Yona ndi pyandimomwene? [bsi07 tsa. 18 ndima 3]
7. Kodi ndi ipi profesiya ya Mikeya inabverana na utongi wa Kristu Yezu ninga mambo wa Umambo wa Mulungu? [bsi07 tsa. 20 ndima 18]
8. Kodi ndi ninji cinapangiza kuti bukhu ya Habakuki ndi yakupumirwa na Mulungu? [bsi07 tsa. 23 ndima 4]
9. Thangwi yanji tingakwanise kulonga kuti mpaka mu caka ca 520 A.E.C., Ayuda akhadzati kukwanirisa cifuniro ca kubwerera kwawo ku ubitcu? (Ageu 1:4) [bsi07 tsa. 27 ndima 3]
10. Kodi Zakariya alonga mwakubwereza-bwereza pya ntsiku ipi? [bsi07 tsa. 30 ndima 26]
KULERI BIBLYA KWA SUMANA NA SUMANA
11. Kodi profesiya ya Yoele ya pirombo pyakumburuka pyakukunda yakwanirisika tani mu piaka dzana yakutoma, na isakwanirisika tani lero? (Yoele 2:1-10, 28) [w07 1/10 “A Palavra de Jeová É Viva— Destaques dos livros de Joel e Amós”]
12. Kodi “nsengwa ya misapo” ya ndzidzi wa malimwe isabvekanji? (Amosi 8:1, 2) [w07 1/10 “A Palavra de Jeová É Viva— Destaques dos livros de Joel e Amós”]
13. Kodi ndi mu njira ipi Yahova ‘abvera ntsisi Aninive mbakhonda kuafudza ninga mukhadanyerezera iye,’ na pyenepi pisafunika kutikhuya tani? (Yona 3:10) [w03 15/7 tsa. 17-18]
14. Kodi kufamba mu dzina ya Yahova pisabvekanji? (Mik. 4:5) [w03 15/8 tsa. 17 ndima 19]
15. Kodi ndi lini na ndi mu njira ipi Yahova abwera mu “templo” yace towera kutonga m’midzidzi ino? (Mal. 3:1-3) [re tsa. 32 bokosi; jd tsa. 179 ndima 3–tsa. 181 ndima 6]