Pidziwiso

◼ Mabukhu anafuna kugawirwa mu Nthanda ya Bingu: Bruxura yonsene ya matsamba 32: Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Njira ya ku Umaso Okhonda Mala—Kodi Imwe Mwaigumana Kale? Nthanda ya Maindza: Bukhu Yanga Ya Mbiri Za Bibilya peno bukhu inango yonsene yakukhala na matsamba 192 yakuti isagumanika pa mpingo. Nthanda ya Thongwe ya 2008: Bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nensa khala na cikukuwe peno bukhu inango yonsene yakudindwa mbicisati fika caka 1991. Mipingo yakuti nkhabe mabukhu anewa ingakwanise kugawira bukhu ya Conhecimento (khala iripo) peno bruxura yakuti Khalani Akulindira! Nthanda ya Madzalo: Existe um Criador Que Se Importa com Você? peno O Segredo de Uma Família Feliz.

◼ Nakuti nthanda ya Maindza iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Pyakupereka towera kuphedza basa ya dziko yonsene yapantsi pinacitwa na cheque pa misonkhano ya cisa, ya ntsiku ya nsonkhano wakupambulika, ya gawo, m’bokosi pa Nyumba ya Umambo na pinaperekwa ku ofesi ya filiali pisafunika kulembwa mu dzina ya “Associação das Testemunhas de Jeová de Moçambique.”

◼ Amwazi mphangwa onsene akuti adzati kulemba maphaso awo a Diretrizes Antecipadas Relativas a Tratamentos de Saúde e Outorga de Procuração (DPA), asadembeterwa kuti acite pyenepi. Phaso ineyi ya DPA inadzakuphedzani pa ndzidzi wakukhonda kuikhwa ciropa. Akulu a mpingo angakwanise kupereka ciphedzo cingafunika.—Onani n’thimiziro wa Utumiki Wathu Wa Umambo wa nthanda ya Bingu ya 2006.

◼ Amwazi mphangwa nkhabe funikabve kuphatisira Relatório de Estudo (S-3) towera kulemba pfunziro ibodzi na ibodzi ya Biblya idacitisa iwo nkati mwa nthanda tayu. Mbwenye, iwo asafunika kupitiriza kulemba pa mbuto yakuthema pa formularyu ya Relatório de Serviço de Campo (S-4) cilengeso ca mapfunziro a Biblya akusiyana-siyana adacitisa iwo. Kutomera cincino, formularyu S-3 inadzaphatisirwa towera kulemba cilengeso ca anyakugumanika pa misonkhano ya mpingo basi.

◼ Kazinji kene pidziwiso pyakufunika kakamwe pyakulonga kuti tinacita na tinaphemba tani mabukhu pisacitwa mu Utumiki Wathu Wa Umambo. Ntumiki anatsalakana mabukhu asafunika kubvesesa pidziwiso mwakucimbiza angatambira Utumiki Wathu Wa Umambo towera akwanise kupitowezera mwakulinganira.

◼ Amwazi mphangwa ali kukumbuswa kuti mabukhu Acibraile asabvunga kobiri izinji kakamwe pakusasanywa. Ndi mwai kwa ife kucita pyakupereka thangwi ya mabukhu anewa. Mbasati kutawirisa kuti formularyu ya Pedido de Publicações (S-14) itumizwe, mulembi wa mpingo asafunika kuonesesa khala mabukhu anewa ndi a amwazi mphangwa peno anyakupfunza Biblya akuthambaruka. Iye asafunika kupangiza mwadidi pa S-14 kuti adinga mwacidikhodikho phembo ineyi na aitawirisa. Ale anatambira masinatura A Sentinela peno Despertai! Acibraile asafunikambo kukumbuswa mu njira yadidi pya kukula kwa ntengo wa mabukhu anewa.

◼ Ma DVD Mapswa Anagumanika A Pilongero Pyakusiyana-siyana:

Até os Confins da Terra e Unidos Pelo Ensino Divino— Em DVD (dvedt-DVC) yakuti isaphataniza pilongero pyakutowerera ipi: Ciarabe, Cingerezi, Ciolandezi, Cixipanyola, Cizungu (ca Brazil) na Cizungu (ca Europa) (Mu DVD ibodzi). Ineyi ndi DVD ibodzi basi yakuti yapitira mbuto mavidyu mawiri Até os Confins da Terra (vcea) na Unidos Pelo Ensino Divino (vcun) nakuti mawiri ene nkhabe kubuluswabve. Mipingo ingakwanise kutoma kuphemba DVD ineyi ipswa.

Organizadas para Pregar as Boas Novas e Associação Inteira de Irmãos— Em DVD (dvjwa-DVC)—Ciarabe, Cimalgaxe (ca Madagascar), Cingerezi, Ciolandezi, Cixipanyola, Cizungu (ca Brazil) na Cizungu (ca Europa) (Mu DVD ibodzi).

Os Jovens Perguntam— Como Fazer Verdadeiros Amigos?— Em DVD (dvfe-DVC)—Ciarabe, Cimalgaxe (ca Madagascar), Cingerezi, Ciolandezi, Cixipanyola, Cizungu (ca Brazil) na Cizungu (ca Europa) (Mu DVD ibodzi).