Pidziwiso

◼ Mabukhu anafuna kugawirwa mu Nthanda ya Nyenzi: Tinadzaphatisira bukhu yakuti Biblya Isapfunzisanji. Kuwangisira kwakupambulika kusafunika kucitwa towera kutomesa pfunziro ya Biblya pa ulendo wakutoma. Pontho tisafunika kubwerera ku mbuto zonsene zidasiya ife mabukhu na cifuno ca kutomesa pfunziro ya Biblya yapanyumba. Nthanda ya Malandalupya: Marevista A Sentinela na Despertai! Anthu angapangiza kufuna, pangizani na dingani katsamba kakuti Gostaria de aprender mais a respeito da Bíblia? na cifuno ca kutomesa pfunziro ya Biblya. Nthanda ya Bingu: Bruxura yonsene ya matsamba 32: Khalani Akulindira!, Khalani Maso Kwenda Na Kwenda Mwa Kutsanzaya M’Dziko Yapantsi!, Njira ya ku Umaso Okhonda Mala—Kodi Imwe Mwaigumana Kale? Nthanda ya Maindza: Bukhu Yanga Ya Mbiri Za Bibilya peno bukhu inango yonsene yakukhala na matsamba 192 yakuti isagumanika pa mpingo. Nthanda ya Thongwe ya 2008: Bukhu yonsene yakukhala na matsamba 192 yakuti yadindwa kale kakamwe mbikhala na matsamba akuti nkhabe nensa khala na cikukuwe peno bukhu inango yonsene yakudindwa mbicisati fika caka 1991. Mipingo yakuti nkhabe mabukhu anewa ingakwanise kugawira bukhu ya Conhecimento (khala iripo) peno bruxura yakuti Khalani Akulindira!

◼ Nakuti nthanda ya Nyenzi iri na masabudu na madimingu maxanu, ineyi inadzakhala nthanda yadidi ya kukhala mpainiya wakuphedza.

◼ Vidiyu yakuti Testemunhas de Jeova — Organizadas para Pregar as Boas Novas inadzadingwa pa Nsonkhano Wa Basa mu nthanda ya Maindza. Khala musaifuna, mungakwanise kuiphemba mwakucimbiza kubulukira m’mpingo wanu.

◼ Nkhani yapakweca yakupambulika ya ndzidzi wa Cikumbuso ca 2008 inadzacitwa nkati mwa sumana 31 ya nthanda ya Murope ya 2008. Nsolo wa nkhani ineyi unadzadziwiswa kutsogolo. Mipingo inafuna kudzacezeswa na muyang’aniri wa cisa peno inafuna kukhala na nsonkhano wa cisa peno wakupambulika inadzacita nkhani ineyi sumana inzace. Nkhabe mpingo unafunika kucita nkhani yakupambulika mbisati fika sumana 31 ya nthanda ya Murope.

◼ Nyakuyang’anira wakutsogolera peno unango wakusankhulwa na iye asafunika kudinga matsamba a kobiri ya mpingo ya nthanda ya Khoni, Maluwa na Malimwe. Kudinga kweneku kungamala citwa, mpingo usafunika kudziwiswa pabodzi na lipoti ya kobiri inafuna kudza.—Onani Instruções para as Contas da Congregação (S-27).

◼ M’midzidzi inango ofesi ya filiali isatambira maformularyu a Pedido de Publicações (S-14) na maformularyu a Pedidos de Congregação (M-202) akusowa dzina ya Mpingo na kuinjipa kwa mabukhu anafunika. Pyenepi pingacitika pisakhala pyakunensa kutumiza phembo ineyi. Ndi thangwi yace tisaphemba kuti Mulembi asafunika kudinga mwacidikhodikho unyomonyomo unoyu munakorondza iye na kutumiza formularyu.

◼ Ofesi ya filiali inadzafungwa N’sabudu, ntsiku 22 ya nthanda ya Nyenzi ya 2007, thangwi ya basa yathu ya kucenesa inacitwa piaka pyonsene. Nkhabe kudzaoneka masasanyiro a kuona filiali pa ntsiku ineyi.

◼ Cidzindikiro kwa Mulembi: Taphata miyendo, onesesani khala mwadzadza na kutumiza formularyu yakuti Relatório de Análise de Congregação (S-10).