Pidziwiso

◼ Mabukhu akugawira mu Nthanda ya Murope: Gawirani bukhu yakuti Biblya Isapfunzisanji na wangisirani towera kutomesa mapfunziro a Biblya. Nthanda ya Bwinja na ya Gonkho: Tinadzagawira A Sentinela na Despertai! Tingacita maulendo akubwerezera kwa anthu adapangiza kufuna, kuphataniza ale adagumanika pa Cikumbuso na/ peno pa pyakucitika pinango pyaumulungu mbwenye nee asagumanyikana mu nzidzi onsene na mpingo, wangisirani kugawira bukhu yakuti Biblya Isapfunzisanji, khalani na cifuno ca kutomesa pfunziro ya Biblya. Nthanda ya Khoni: Mulungu Alikuphembanji, Munakwanisa Kukhala Xamwali Wa Mulungu!, Quando Morre Alguém Que Amamos peno bruxura yonsene ya matsamba 32 inagumanika pa mpingo. Nthanda ya Maluwa na Malimwe: Bruxura yonsene ya matsamba 32 ingakwanise kuphatisirwa: Khalani Akulindira!, Mizimu Ya Akufa—Ingakwanise Kukuphedzani Peno Kukucitani Pyakuipa? Kodi Iyo Iripodi? na Njira ya ku Umaso Okhonda Mala—Kodi Imwe Mwaigumana Kale?

◼ Mipingo isafunika kugawira abale marevista mapswa a A Sentinela na Despertai! munamala iyo kwene kuatambira. Pyenepi pinadzacitisa amwazi mphangwa kudziwa mwadidi pinagumanika m’marevista anewa mbasati kuenda kaagawira m’basa ya m’munda.

◼ Nyakuyang’anira wakutsogolera peno unango wakusankhulwa na iye asafunika kudingisa matsamba a kobiri a mpingo a nthanda ya Maindza, Thongwe na Madzalo. Kudingisa kweneku kungamala, mpingo usafunika kudziwiswa pa lipoti ya kobiri inafuna kudza.—Onani Instruções para as Contas da Congregação (S-27).

◼ Mipingo isafunika kutoma kuphemba mavulume a A Sentinela na Despertai! a 2006. Mavulume anadzagumanika mu cilongero ca Cifaransa, Cingerezi, Cixina (Tradicional) na Cizungu. Mpaka pa ntsiku inafuna kubuluswa mavulume anewa na kutumizwa, phembo ineyi inadzapangizwa pa ndandanda wa pidaphembwa ninga pendente. Mavulume ndi mabukhu a phembo yakupambulika.

◼ Makaraxa A Nsonkhano Wa Gawo Wa 2007: Caka cino nee panadzafunika kuphemba makaraxa nakuti iwo anadzatumizwa m’mipingo na filiali nsonkhano wa Gawo mbusati fika. Pa kutambira makaraxa, muyang’aniri wa mpingo unayang’anira mabukhu asafuna kucita pyonsene towera muyang’aniri m’bodzi na m’bodzi wa mabukhu wa mpingo atambire ntsama idatumizirwa iwo. Towera kugumana pitsogolero pya munthu anafunika kutambira makaraxa, taphata miendo onani nsolo wakuti Perguntas Respondidas unagumanika mu Nosso Ministério do Reino wa Abril de 2000.

◼ Mu ncemerero wa Cikumbuso ca 2007 phatanizani ncemerero wa nkhani yapakweca yakupambulika inafuna kudzacitwa m’mipingo mizinji n’Dimingu, 15 za nthanda ya Bwinja ya caka ca 2007. Khala mpingo wanu unadzacita nkhani ineyi pa ntsiku inango, taphata miendo cinjani mwakucimbiza ntsiku inangumanika mu ncemerero mbamuikha ntsiku inafuna kudzacitwa nkhani yapakweca pa mpingo panu.

◼ Cidzindikiro kwa mulembi: Taphata miendo lekani kuduwala kulemba na kutumiza Lipoti ya Cikumbuso (S-7) pabodzi na lipoti ya mpingo wanu (S-1) ya nthanda ya Murope pa rota ya Bwinja.

◼ Filiali nkhabe tendeza phembo ya mabukhu yakucitwa na m’mwazi mphangwa ekha. Amwazi mphangwa asafunika kuphemba mabukhu awo bulukira ku mpingo. Nyakuyang’anira wakutsogolera asafunika kucita masasanyiro towera pacitwe cidziwiso nthanda zonsene phembo ya mabukhu ya mpingo mbisati kutumizwa ku filiali towera onsene anafuna kuphemba mabukhu awo ene alonge na m’bale anayang’anira mabukhu. Taphata miendo, kumbukani kuti mabukhu anewa ndi phembo yakupambulika, akuti asafunika kuphembiwa basiene na mpingo khala ali na mwanaciro adaaphemba. Pedido de Publicações (S-14) isafunika kutumizwa nthanda zonsene.

◼ Towera kuimba mwadidi nyimbo pa nsonkhano wa gawo, tikupereka ndandanda wa nyimbo towera kupasa mwai onsene towera kupfunza kuziimba mwanyapantsi. Nyimbo zace ndi izi: 4, 11, 31, 34, 38, 42, 91, 105, 150, 160, 168, 181, 191, 200, 205, 207, 209, na 224. Tikuwangisa mipingo yonsene kucita ndandanda wa kupfunza kuimba nyimbo n’nzidzi pang’ono pakumala misonkhano.

◼ Abale athu azinji asafuna kuona filiali. Natenepa tiri kupasa pitsogolero ipi pyakutowerera kwa alendo onsene:

1. Mbamusati kuenda kaona filiali, taphata miendo onani pontho Perguntas Respondidas wa Nosso Ministério do Reino wa Junho de 2002 unalonga pya mabvaliro na makhunganyikiro munaenda imwe kaona nyumba za Beteli. Tisafunambo kukumbusa anyakubala kuti akhale duzi na anawo mu nzidzi onsene.

2. Khala nsoka ukulu usafuna kuenda kaona Beteli, taphata miendo lembani peno menyani ntokodzi mbamusati kuendako. Mu njira ineyi tinakwanisa kucita masasanyiro kuti alendo athu onsene atsalakanwe mwadidi. Na thangwi ya kucepa kwa banja ya Beteli, tingakwanise kutsalakana alendo akucepa basi pa ntsiku.

3. Beteli isaoniwa kutomera n’Ciposi mpaka n’Cixanu, mu nzidzi 8:00 mpaka 11:00 wakumacibese na 13:00 mpaka 15:30 wakumaulo. Pyenepi pisaphataniza m’mafiriyadu. Tisatambirambo ale anafuna kuona Beteli pa Sabudu namacibese (kutomera pa nzidzi 8:00 mpaka 10:30 wakumacibese. Mbwenye iwo anaona pinthu pyakucepa thangwi piwalo pizinji pya Beteli pisagumanika m’basa ya m’munda peno m’mabasa anango a Mulungu mu nzidzi unoyu. Beteli nkhabe oniwa n’Sabudu namaulo peno n’Dimingu.

4. Anyakuenda kaona Beteli onsene asafunika kukhunganya motokala wawo ene. Mphyadidi kudziwambo kuti Beteli nkhabe kudzapasa cakudya peno mbuto yakugona kwa anadzaona.

◼ Tiri akukomerwa kukudziwisani kuti mipingo iri pantsiapa yamalisa kumanga Nyumba zawo za Umambo: Canangola, Carrupeia, Chire Central, Fuka, Inhambane Central, Kalone, Makonje, M’didimula, Namiyala, Nkhamba, Ntambowa, Pfupa na Tsangano.

◼ Mabukhu Mapswa Anagumanika:

“Malembo Onsene”—Mbandimomwene Na Akuphindulisa (bsi07)—n’Cichuabo, n’Cimakuwa, n’Cisena na n’Citshwa.

Viva Tendo em Mente o Dia de Jeová—n’Cifransa, n’Cingerezi, n’Cisuaili, n’Citsonga, n’Cixina, n’Cixina (simplificado), n’Cixona, n’Cizungu na n’Cizulu.

[Caption on page 6]

(Pisapitiriza pa tsamba 7, koluna 1)

[Caption on page 7]

Pidziwiso (Upitirizo)

[Caption on page 7]